Pagdating sa pananalapi, may dalawang klase ng tao—isang gastador at isang matipid.
Pero sino nga ba ang mas masaya pagdating sa financial choices—ang isang palagasta, o ang isang hangga’t maaari ay ayaw maglabas ng isang sentimo?
Read: Lalaki naagawan ng cellphone worth P10K; motor ng snatcher naitakbo ng biktima, dinala sa presinto
Sa isang study na isinagawa ng The New York Post sa pamamagitan ng survey sa 2,000 American shoppers, natuklasan na ang 56 percent ng mga Americans ay itinuturing ang kanilang mga sarili na "spenders."
Binibili talaga nila ang mga items na gustung-gusto nila.
Ang 34 percent naman ay itinuturing ang mga sarili na "savers."
Hindi agad sila bibili ng kanilang gusto hangga’t hindi ito naka-sale. Bibili rin lang sila ng items kung talagang kailangang-kailangan na.
Nasa 10 percent naman sa mga na-survey ang hindi masabi kung gastador sila o matipid.
Read: Lotto winner na nasunog ang ticket, makukuha na ang premyong PHP12M
SPENDERS DOBLE ANG GASTOS KUMPARA SA SAVERS
Hindi nakapagtataka na ang mga spenders ay mas malaki ang nagagastos sa mga hindi naman masyadong kailangan o non-essential items kada linggo kumpara sa mga savers.
Karaniwang nakakagastos ang isang American spender kada linggo ng US$621 (PHP 35,266.59).
Ang isang American saver naman ay gumagastos lang kada linggo ng US$348 (PHP19,762.92.)
Halos doble ang diprensya ng kanilang paggastos.
Walang binanggit sa survey kung anu-ano ang mga items na pinagkagastusan, pero posibleng sa mga pangunahing pangangailangan ito gaya ng pagkain—at mga luho sa katawan gaya ng damit, pamamasyal, pagkain sa labas, gimik at wellness.
Read: Holdaper ng botika, choosy; Viagra hindi pera ang priority
MAS HAPPY SA LIFE ANG SPENDERS
Natuklasan din sa study na ang mga spenders ay mas masaya kumpara sa savers pagdating sa iba’t ibang aspeto ng buhay.
Sa pakikipagrelasyon, 78 percent ng spenders ang mas happy ang love life kumpara sa savers na mayroon lang 63 percent.
Ang spenders din ang masaya sa kanilang trabaho at may 78 percent rating, kumpara sa 57 percent na naitala ng savers.
Read: Meet Vivian Xue Rahey, fake-nail artist whose works fetch as much as USD2,400 or PHP136K
Hindi naman sila nagkakalayo pagdating sa personal life kung saan 77 percent ang ratings ng spenders, habang 71 percent naman ang savers.
Interestingly, kahit magastos ang pamumuhay, ang 73 percent ng spenders ay happy sa kanilang financial lives kumpara sa 56 percent lang ng savers.
Read: 53 anyos na singer, pinakasalan ang 22 anyos na ampon; umani siya ng batikos
SAVERS MAY ADVANTAGE SA FINANCIAL MANAGEMENT
Gayunpaman, ayon pa rin sa artikulo, sa pamamagitan ng pag-iipon at pag-i-invest sa hawak na pera nang maayos, maaaring ma-achieve ang financial independence.
Mababawasan din ang paghingi ng tulong sa ibang tao o kaya ay pangungutang—sa tao man o sa mga financial institution.
Read: Taylor Swift fan, kinarir ang Eras Tour-inspired Halloween display
Kung walang utang ang isang tao, gumaganda ang kalidad ng kanyang buhay at nababawasan ang stress.
Natuklasan din sa isinagawang pag-aaral na ang savers ay may advantage pagdating sa financial management dahil nasa 29 percent lang ng kanilang total annual income ang nagagamit nila sa miscellaneous purchases.
Sa miscellaneous purchases pa lang, ang spenders ay nakakaubos na ng 38 percent ng kanilang annual income.
Read: Babaeng nakaubos ng 48 talaba at maingay humigop, iniwan ng ka-date
SAVERS AT SPENDERS, PAREHONG NAG-IISIP MUNA PAG BIG PURCHASE
Batay pa rin sa survey na kinomisyon ng Citizens Pay at isinagawa ng OnePoll, natuklasan sa mga respondents na 59 percent sa mga ito ang nagsabing "often" at "always" na iniisip nila ang financial impact bago magdesisyon sa isang big purchase.
Maging ang 61 percent ng spenders ay ganito ang mindset—ang pag-isipan muna ang financial impact nito.
Ibig sabihin, gastador lang sila kapag ang item na bibilhin ay hindi masyadong makakasakit sa bulsa in the long run.
Lumabas din sa isinagawang pag-aaral na ang mga spender ay mas nakararanas ng mas malawak na kaligayahan sa kanilang buhay.
Samantala, ang mga matipid naman ay mas nagiging praktikal at matalino sa paghawak ng pera, at mas naghahanda para sa posibleng mangyari bukas at sa mga susunod na araw.
Read: World’s oldest known dog, pumanaw na; muntik ilibing nang buhay noong tuta pa