Para marating ang mga Pilipinong nasa malalayong lugar na kailangang tawirin ang dagat, inilunsad ng Philippine Statistics Authority (PSA) ang PhilSys On Boat.
Dadayo mismo ang PhilSys registration officers sa mga isolated coastal areas, at magse-set up ng mobile registration sites para sa mga kababayang nasa Geographically Isolated and Disadvantaged Areas (GIDA).
Read:
- Natanggap mo na yung sa iyo? Mahigit 50M PhilIDs, ePhilIDs nai-deliver na
- National ID, may 3 formats: printed, downloadable, at mobile
Hangad ng PSA na mas maraming Pilipino ang makapag-register.
"We are now in the final leg of the PhilSys registration, and our utmost priority is to reach every Filipino, even in the most challenging and remote locations,” ani Undersecretary Claire Dennis S. Mapa, PhD, national statistician and civil registrar general.
“Our dedicated registration personnel are embarking on these bangkas, navigating house-to-house, and braving adverse weather conditions to ensure that every Filipino is registered to PhilSys.”
Read: Printed version ng electronic National ID puwede na sa passport application
Kabilang sa mga nakinabang na sa proyektong ito ay ang Barangay Tampalan sa Malamawi, Isabela City, Basilan.
Ang iba sa kanila ay natanggap ng printed ePhilID on the spot.
Dahil sa proyektong PhilSys On Boat at PhilSys on Wheels—na nagbibiyahe naman sa mga liblib na lugar via land— umabot na sa 81,492,399 ang mga Pinoy na nai-register sa PhilSys as of October 27, 2023, ayon sa PSA website.
Read: Paano makakuha ng ePhilID, ang printable version ng national ID?
Para sa mga hindi pa nakakapag-register, maaaring dalhin ng mga Pinoy ang kanilang supporting documents na nakalista sa online registration center, para sa validation ng demographic information at makunan ng biometric data.
Ang mga indibidwal na nakapag-register na ay maaaring i-check ang availability ng kanilang PhilID via PhilSys website o kaya ay bumisita sa PhilSys Registration Center.
Ang ePhilID ay maaari ring i-download “through a secure link provided in an official text message from the PSA.”
Ang PhilID at ePhilID ay magsisilbing “valid proof” ng pagkakakilanlan, edad, at kinikilala ng mga ahensiya ng gobyerno, pati na rin ng private establishments, sa buong Pilipinas.
Narito naman ang iba pang helpful links:
- Website: https://philsys.gov.ph
- Facebook page: https://facebook.com/PSAPhilSysOfficial
- Printed ePhilID appointment: https://appt.philsys.gov.ph
- PhilID/ePhilID authentication: https://verify.philsys.gov.ph