Hindi pa rin ba dumarating ang inyong National ID o PhilID?
Kung nakumpleto ninyo ang proseso ng pagpaparehistro ng national ID, maaari ninyong i-track ang status kung kailan ninyo posibleng matanggap ang physical copy.
Read: PHLPost magsasagawa ng “plaza-type” distribution ng national IDs sa mga barangay
Heto ang mga dapat gawin:
- Alamin ang inyong transaction number.
Pagkatapos magrehistro para sa PhilID, huwag iwawala ang transaction slip na nagtataglay ng National ID transaction number. Ang dokumentong ito ay confidential at hindi dapat ibahagi kahit kanino o i-post sa social media.
Read: VIRAL: Netizen, "pumayat na" nang natanggap ang National ID
Sa transaction slip nakikita ang transaction number. Ito ang gagamitin para ma-track ang status ng inyong PhilID card.
- Magpunta sa PHLPost tracking website, o i-click ang http://tracking.phlpost.gov.ph/
- I-input ang inyong transaction number sa PHLPost tracking website. I-click ang “Track” para malaman ang status ng inyong PhilID card.
Kapag ang lumabas sa website ay "NOT FOUND," huwag mag-alala.
Ayon sa Philippine Statistics Authority, kapag ang lumabas ay “NOT FOUND,” ang ibig sabihin nito ay hindi pa nadi-dispatch ng post office ang inyong card, pero hindi ito nawawala.
Read: Printed version ng electronic National ID puwede na sa passport application
Read: Paano makakuha ng ePhilID, ang printable version ng national ID?
Ipinapaalala rin ng PSA na libre ang delivery ng PhilID card.
Para naman sa iba pang katanungan tungkol sa PhilID card, mag-email sa: info@philsys.gov.ph o tumawag sa PhilSys hotline 1388.
Read: National ID, may 3 formats: printed, downloadable, at mobile