Nag-viral ang mga larawan at video ng itinayong ramp para sa mga Persons With Disabilities o PWDs sa PhilAm station ng EDSA Busway sa Quezon City.
Ayon sa mga nakapansin sa rampa, masyado itong matarik para sa mga gumagamit ng wheelchair.
Sa ulat ng GMA News nitong July 17, 2024, ang naturang rampa ang magsislbing access sa pagitan ng elevator at ng footbridge.
Pero komento ng netizens, mukhang delikadong gamitin ng mga PWDs ang naturang rampa dahil masyadong matarik iyon para sa kanila.
Read: Lumad Schools: Isang masalimuot, malungkot na kuwento
RAMP DAPAT NAKA-INCLINE NANG 4.8-DEGREE ANGLE LANG
Batay sa implementing rules and regulations (IRR) ng Batas Pambansa 344, o ang Accessibility Law (An Act to Enhance the Mobility of Disabled Persons by Requiring Certain Buildings, Institutions, Establishments and Public Utilities to Install Facilities and Other Devices), ang mga rampa para sa mga PWDs ay dapat na naka-incline lang nang hanggang 4.8-degree angle.
Sinabi ni Architect Armand Eustaquio, isa sa mga nag-draft ng IRR ng BP 344, natuklasan na ang itinayong rampa ay naka-incline nang 14.15 degrees, o mas matarik ng 10 degrees kumpara sa itinakdang standard ayon sa batas.
Ani Eustaquio, “Sa case nito, mukhang di nila [PWDs] kakayanin unassisted, especially yung mga gumagamit ng wheelchair.
“Kailangang may magtutulak sa kanila, otherwise, medyo delikado ito.”
Read: Hammer used by grandma for 20 years actually a live grenade
PWD SINUBUKANG GAMITIN ANG RAMP
Ang kontrobersiyal na ramp ay sinubukan din ni Nelson Belo, miyembro ng grupong Life Haven gamit ang kanyang wheelchair.
Sinabi ni Nelson na hindi siya makaakyat sa rampa habang sakay ng kanyang wheelchair dahil masyado nga itong matarik.
Delikado rin aniya kapag pababa naman.
Obserbasyon niya, “Kapag dumidiretso ako doon, may bakal nga. Baka doon ako sumuot sa bakal.”
At kahit may magtulak sa wheelchair, mahirap pa ring gamitin ang naturang rampa.
Read: Tree cut into half by angry neighbor now a tourist attraction
MMDA sinagot ang mga komento sa DISENYO NG RAMP
Matapos mabatikos sa social media, naglabas ang Metro Manila Development Authority (MMDA) ng pahayag sa official Facebook account nito noong July 17.
Ayon sa pahayag ng ahensiya, published as is: “Ukol sa viral photo ng rampa sa EDSA-Philam station ng Busway station sa Quezon City, nais namin ipabatid na mayroong height restriction ang MRT na sinunod ng MMDA kaya hindi naging posible na ipantay ang elevator sa footbridge.”
Paliwanag ng MMDA, “Hindi ito perpektong disenyo lalo na sa mga naka-wheelchair pero malaking tulong pa rin ito para sa mga senior citizens, buntis at ibang PWDs sa halip na umakyat gamit ang hagdan.
Pagtityak ng ahensiya, “Magtatalaga ang MMDA ng mga kawani para umasiste sa mga PWDs kung mahirapan sila pumanhik ng rampa.”
Read: Angry girlfriend runs over boyfriend carrying their baby
Depensa pa ng MMDA, “Kumpara sa nag-viral na photo, hindi ito masyadong matarik kung lalakaran.
“Inilagay ang rampa dahil sa limitadong espasyo at kung wala ito ay hindi maiilagay ang elevator sa istruktura para sa convenience ng mga commuters na sumasakay sa busway station.”
Read: Negative social media comments—bakit wala lang yan sa akin