Maaaring ikagulat ng marami ang anunsiyong ito: si Hello Kitty ay hindi pusa.
Ang pamosong cartoon character ay nilikha ng Sanrio, isang Japanese entertainment company, noong 1974.
Sa darating na November 1, 2024, ay ipagdiriwang ni Hello Kitty ang kanyang 50th anniversary.
Pero lingid sa kaalaman ng marami, hindi miyembro ng feline family si Hello Kitty.
Ito ang paglilinaw na ginawa ni Jill Koch, senior vice president of marketing and brand management ng Sanrio.
“Hello Kitty is not a cat, she’s actually a little girl,” sabi ni Jill sa Today show noong July 18, 2024.
Idinagdag ni Jill na si Hello Kitty “weighs three apples” at ang taas niya ay five apples tall.
Ito rin ang nakalagay sa profile ng famous cartoon character sa Sanrio website.
Ang tunay niyang pangalan ay Kitty White at mayroon siyang kambal, si Mimmy.
Si Mimmy rin ang itinuturing na best friend ni Hello Kitty.
Ang hobbies ni Hello Kitty ay “baking cookies” at “playing the piano.”
Pangarap din niyang maging pianist o poet.
Sa katunayan, meron ding alagang pusa si Hello Kitty, si Charmmy Kitty.
Read: Chinese vlogger reportedly dies during mukbang livestream
NETIZENS HAVE MIXED REACTIONS
Maraming netizens ang kumontra sa rebelasyong ito.
Iginiit nila na walang dudang pusa si Hello Kitty.
Katuwiran nila, si Hello Kitty ay may whiskers, Kitty ang pangalan, at mukhang pusa.
Pero marami ring netizens ang hindi na nagulat sa rebelasyon.
Anila, na-address na ang isyung ito maraming taon na ang nakalilipas.
Lumalabas na naging hot topic din ito taong 2014, ang 40th anniversary ni Hello Kitty 2014.
Read: Cebu personality issues apology over misgendering controversy
HELLO KITTY IS NOT A CAT
Isang dekada na ang nakalilipas, binigyang linaw ang isyung ito ni Christine R. Yano, isang book author at anthropologist sa University of Hawaii.
Isinulat ni Christine ang Pink Globalization: Hello Kitty’s Trek Across the Pacific, na na-publish noong 2013.
Ang libro ay ukol sa pagiging international pop icon ni Hello Kitty.
Sa isang article na lumabas sa Los Angeles Times noong August 2014, may klaripikasyon si Christine.
Dito niya isiniwalat na ang Sanrio mismo ang naglinaw na hindi pusa si Hello Kitty.
Pagbabalik-tanaw ni Christine, noong hinahanda niya ang kanyang written text sa Japanese American National Museum, inilarawan niya rito na isang pusa si Hello Kitty.
Pero kinorek daw si Christine.
Sabi niya sa LA Times interview, “I was corrected — very firmly.
“That’s one correction Sanrio made for my script for the show. Hello Kitty is not a cat.
“She’s a cartoon character. She is a little girl. She is a friend.
“But she is not a cat. She’s never depicted on all fours.
“She walks and sits like a two-legged creature.
“She does have a cat of her own, however, and it’s called Charmmy Kitty.”
Idinagdag pa niya rito ang background ni Hello Kitty.
Nilikha si Hello Kitty noong panahong nahumaling ang Japanese people sa Great Britain noong ‘70s.
Si Hello Kitty ay born and raised sa suburbs ng London kasama ang mga magulang.
Nire-represent ni Hello Kitty ang “quintessential idealized childhood, almost like a white picket fence.”