Naranasan mo na ba yung sobrang confident mong maayos ang iyong hitsura sa picture taking, pero less than what you expected ang resulta?
Sadyang may mga hindi photogenic.
Halimbawa, matangos naman ang iyong ilong, pero sa picture parang malaki tingnan.
Sa salamin, mukha kang bata, pero sa picture ay nagmukha kang matanda.
Pati nga sa pagngiti, hindi ba't minsan parang awkward?
Read: Why do buses have bright, weird-patterned seat covers?
THE "MERE-EXPOSURE EFFECT"
Pero hindi pala ito necessarily dahil sa vanity.
Ayon kay Dr. Matt Johnson, isang neuroscientist and consumer psychology professor, sa artikulong nalathala sa news website na NDTV last October 27, 2024, ang discomfort sa sariling photos ay nagmula sa "mere-exposure effect."
Ang mere-exposure effect ay isang psychological phenomenon na nagsa-suggest na mas prefer mo ang familiar views ng sarili, gaya ng kung ano ang nakikita mong reflection sa salamin.
Kapag hindi katulad ng hitsura ang nakikitang kaanyuan kapag nananalamin, nagdudulot daw ito ng discomfort.
Paliwanag pa ni Dr. Johnson, dahil nakikita mo nang mas madalas ang mirror reflection kumpara sa photos, mas comfortable ka sa ganoong hitsura.
“If you're checking your reflection in the bathroom every morning before you leave the house, you're likely to get familiar with that particular image of yourself.”
Sumang-ayon kay Dr. Johnson si Eloise Skinner, isang psychotherapist.
Ani Eloise, karaniwang nakikita ang sarili sa “same mirror with the same lighting, the same perspective and angle.”
Dagdag pa niya, “Then when a photo is taken, it can catch you at a moment where you've never seen your face or body from that perspective before.
“It can be a bit of a disconnect.”
Read: Cardinal Sin’s old house now a museum
SELFIES VS STOLEN SHOTS
Idagdag pa rito ang kawalan ng control sa naka-capture ng camera.
Pangit ang lighting, hindi pamilyar sa iyo ang angle, at hindi ka handa.
Hindi nakakatulong ang social media, kung saan ang mga photos ay mistualng flawless.
Factor din dito ang tinatawag na “self-perception gap.”
Ibig sabihin, ang nakikita mong self-image ay iba kung paano ka nakikita ng ibang tao sa photos.
Ang nakikita ring reflection ay reversed image, kung saan naka-flip ang facial asymmetries.
Ito ang dahilan kaya mas magandang tingnan ang kuha sa selfies, lalo na kung ginamitan ng filters.
Ang mga photos ay nagpapakita ng iyong “true” image—na unaltered and unfamiliar.
Ang discrepancy o pagkakaibang ito ang dahilan kung bakit minsan ay nakakaramdam ka ng disgusto sa sariling photos.
Read: Hello Kitty is not a cat, but a little girl — Sanrio
“SPOTLIGHT EFFECT”
Para naman kay Dr. William Van Gordon, associate professor in contemplative psychology sa University of Derby sa England, batay sa pananaliksik, ang mga tao ay may inaccurate perception ng kanilang physical appearance.
Impluwensiya aniya ito ng self-enhancement bias.
Paliwanag niya, kaugnay ng ganitong phenomenon ang pag-o-overrate ng isang tao ng kanyang positive characteristics—pero hindi naman niya nare-recognize ang pagkakaiba sa pagitan ng self-perception at ng pananaw ng ibang tao.
Tinatawag itong “spotlight effect.”
Ang spotlight effect ay isa pang common psychological bias kung saan iniisip mong mariing sinusuri ng ibang tao ang iyong hitsura.
Tuloy. lalong nagagatungan ang pagiging self-conscious kapag minamasdan ang iyong mga larawan.
Nagiging obsess ka flaws at ina-assume na nakikita rin ng ibang tao ang iyong mga kapintasan.
Read: PUP now offering online courses for parents
Pero sa totoo lang, ang ibang tao na kasama sa larawan ay abala rin sa paghahanap ng kanilang sariling kapintasan.
Sa kanilang sariling features sila interesado—hindi kung pangit o maganda ba ang kuha ng mga kasama nila sa photos.
“Our perception of our own attractiveness, and the attractiveness of people we know well, is often skewed by our emotions and cognitive biases, rather than an objective assessment,” ayon pa kay Dr. Johnson.
Kaya kung sa palagay mo ay hindi ka maganda sa picture—huwag mag-alala.
Ganito rin naman kasi ang pakiramdam ng iba.
Read: Defective national ID? Here's how you can apply for replacement