Kasing-init ng kape ang naging usapan sa social media ukol sa diumano’y kakayahan ng coffee para ma-predict ang lagay ng panahon.
Deleted na ang post na nagtataglay ng screenshots ng diumano’y “scientific explanation” ukol sa connection ng lagay ng panahon sa posisyon ng bula sa iyong kape sa tasa.
Ang caption: “Perks of having a scientist friend. Napakape tuloy ng wala sa oras, hehehe.”
Sa screenshot, ganito ang nakalagay (published as is): “maybe you can check this out - your cup of coffee as a batometer pag nagtimpla ka ng kape - if the bubbles form at the center - meron LPA - meron bagyo If the bubbles form at the rim, fair weather”
Mayroon ding art cards na kumalat at screenshots mula sa Google search na may ganitong paliwanag.
Kung pagbabasehan ang comments, may mga netizens na napatanong, napaisip, at naniwala sa post kaya nag-viral ito.
Read: Former child prodigy in physics faces challenges getting employed
A WEATHER PREDICTOR OR JUST FOLKLORE?
Pero isang "weather folklore" ang paggamit ng kape para hulaan ang panahon.
Maihahalintulad ito sa pag-oobserba sa galaw ng mga hayop o hugis ng ulap para malaman kung uulan.
Halos taun-taon ay mayroong articles na inilalabas ukol dito.
Ayon sa mga websites ng coffee brand na Waka Coffee at design company na Caffination, ang mga bula sa tasa ng kape ay may tendency na mag-react sa air pressure ng paligid.
Kapag ang bula ay nagsasama-sama raw sa gitna ng tasa, indikasyon ito ng high air pressure at nangangahulugang uulan.
Low pressure naman daw kapag pumunta sa gilid ang mga bula ay indikasyon ng magandang panahon.
Sa ibang posts na kumalat, nagkabaliktad ang mga predictions, na nagdulot lalo ng ng kalituhan.
Read: Local winemaker discloses how sweet wine is made for Pinoys
SCIENCE SAYS OTHERWISE
Pero may reliable authorities at organizations na pinasinungalingan ang viral claims.
Ayon sa post ng Earth Shaker, “there is a lack of scientific research to prove this claim, and this has been dismissed by meteorologists as a weather folklore with a lack of scientific basis.”
Dagdag pa rito, maraming factors ang maaaring makaapekto sa formation ng bubbles sa coffee, gaya ng hugis ng tasa, water temperature, at uri ng kape.
Bukod dito, ang bubbles ay dulot ng carbon dioxide (CO2) na nagmumula sa mga butil o extract ng kape.
Payo ng Earth Shaker, isang grupong ipino-promote ang earth sciences, mas mainam na gumamit ng barometer o barometer apps na sumusukat sa atmospheric pressure ng isang lugar.
Nagpayo rin ito na mag-rely sa weather agencies para sa accurate information ukol sa atmospheric pressure at sa pangkalahatang lagay ng panahon.
Nag-comment naman sa nasabing post ang “scientist friend” na pinagmulan ng myth.
Ganito ang sinabi niya (published as is): “thank you for myth busting - i was hoping netizens would question, not accept with absolute certitude - and maybe try out for themselves and test, decide. thank you - i continue to test.”
May Facebook post din ang Philippine Weather System/Pacific Storm Update tungkol sa topic:
"Totoo nga bang kayang ma-predict ng tasa ng kape ang magiging lagay ng panahon?
“SAGOT: HINDI PO at HINDI TOTOO ang kumakalat na viral post patungkol dito.
“Ayon sa mga meteorologists, WALA ITONG SCIENTIFIC EVIDENCE at maituturing lamang itong isang “weather folklore.”
Sa huli, maraming netizens ang naliwanagan at natuwa dahil nagkaroon ng “healthy discussion.”
Ang pangyayaring ito ay reminder sa lahat na bago maniwala sa isang bagay na nakita sa social media, mag-fact check muna.
Legit ba ang source o pinanggalingan ng detalye o claim? Expert ba ang nag-post?
Sabi nga ng isang netizen sa kanyang comment, “The idea considered superstition/belief, there's no scientific evidence to support that coffee bubbles can predict weather. That indicates how important it is to support our claims by evidence.”