Sisimulan na ng Department of Agriculture ang pagbebenta ng well-milled rice mula sa National Food Authority.
Ibebenta ang mga stock na bigas ng NFA sa halagang PHP33 kada kilo, ayon sa ulat ng Philippine News Agency.
Kasunod ito ng deklarasyon ng food security emergency para sa bigas.
Read: How to open virtual Pag-IBIG account using loyalty card plus
Read: New Zealand offers post-grad scholarships to Filipinos
NFA RICE: MAGKANO ANG PRESYO PARA SA PUBLIKO?
Sa ginanap na press briefing noong February 4, 2025, sinabi ni NFA acting department manager Roy Untiveros na ang selling price ay para sa local government units, iba’t ibang ahensiya ng pamahalaan, at government-owned and -controlled corporations.
Ang magiging presyo para sa publiko ay PHP35.
Dagdag ni Untiveros, “We really have to release the stocks of NFA so we can create more space to accommodate naman yung incoming palay deliveries from the farmers.”
Dahil sa mas mababang benta, tinatayang malulugi ang NFA ng hanggang PHP1.8 bilyon.
Kailangang makapag-release ng NFA ng hanggang 150,000 metric tons o 150 milyong kilo ng well-milled rice stocks sa susunod na anim na buwan.
Read: Finland offers Pinoy workers jobs with PHP97K monthly salary
Nilinaw naman ni Untiveros na ang DA, sa pamamagitan ng Food Terminal Incorporated, ang magbebenta ng NFA rice sa LGUs.
“Malinaw po doon sa Republic Act 12078 na ang NFA po ay hindi authorize to sell its stocks.
“So malinaw po doon na sinabi na DA may sell the NFA stocks.”
Sinabi rin niyang ang DA ang responsable para magkaroong muli ng stock na bigas ang NFA.
Read: Singapore opens ASEAN scholarship for Filipino students
Patuloy ang pakikipag-ugnayan ng NFA sa mga LGUs para masimulan na ang alokasyon ng rice stock release.
“Fifty-three letters na po ang na-send natin.
“And we are waiting for the reply of the LGUs so we can ascertain [kung] sino po yung mga interested to participate.”
At press time, ang mga LGUs sa Metro Manila at Cavite ay nagpaabot na ng kanilang intensiyong makakuha ng kanilang alokasyon.
Ibebenta ito sa Kadiwa ng Pangulo centers at mga kiosks sa Metro Manila.
Read: Cebu Pacific now offers direct flights to Sapporo, Japan
KUMUSTA NAMAN ANG QUALITY NG NFA RICE?
Para naman sa mga nagtatanong tungkol sa kalidad ng NFA rice, sinabi ni NFA Administrator Larry Lacson na kahambing ito ng mga ibinibenta sa mga lokal na pamilihan.
"Maganda po ang ating quality. Ako, masasabi ko, it's similar to the quality of yung mga nasa commercial.
“Of course, pag iyan three months above na, medyo yung quality niyan siyempre hindi na kamukha ng fresh well-milled definitely.”
Read: LandBank offers up to PHP100K loan to pensioners, government employees
Pagtitiyak ni Lacson, kahit anong klase ng bigas na mula sa NFA—bago man o luma—ay idinadaan sa laboratory testing.
“Iyan po ay fit for human consumption at maganda po ang quality bago namin ilabas.
“Kapag hindi na po maganda ang quality niyan, hindi na po namin ilalabas."
Read: Got coins? Deposit them at BSP’s coin deposit machines in malls