Covered na ng Philippine Health Insurance Corporation (PhilHealth) ang lahat ng outpatient emergency services sa accredited Level 1, 2, at 3 hospitals.
Ang outpatient ay mga pasyenteng nadadala hanggang sa emergency room lamang.
Bago ang anunsiyong ito, wala silang benepisyong nakukuha mula sa PhilHealth.
Pero simula pa noong February 14, 2025, Valentine’s Day, covered na ng Facility-Based Emergency (FBE) ang mga outpatient.
Pinaalalahanan naman ng state health insurer ang mga ospital na hindi na nila kailangan ng separate accreditation para makapag-provide ng FBE benefits dahil sakop na ito sa hospital accreditation.
Subalit ang mga ospital na nagkaroon ng extension facilities na nag-o-offer ng FBE services ay kailangang magsumite ng certification, kasama ang pangalan at address, sa pinakamalapit na PhilHealth regional offices.
Kasama rin sa anunsiyo ng PhilHealth ang susunod nitong plano na isama ang ambulance services sa ilalim ng pre-hospital emergency benefit.
Read: PhilHealth contribution rates almost doubled in the last 5 years
PHILHEALTH INCREASES MEMBERS' HEALTH BENEFITS FOR UP TO 50% IN 2025
Matatandaang tinaasan ng PhilHealth ng hanggang fifty percent ang sasagutin nitong benefit packages sa 9,000 medical cases, kasama ang ilang mabibigat na medical procedures.
Halimbawa, ang low-risk pneumonia na dating PHP19,500 ang medical benefit ng isang member ay itinaas na sa PHP29,250.
Ang kidney transplantation package na dating PHP600,000 ay itinaas sa PHP800,000 hanggang PHP2 million.
Ang angioplasty na may PHP30,000 medical benefit ay umabot na sa PHP530,000.
Naging epektibo ito pagpasok ng Bagong Taon, January 1, 2025.
Read: PhilHealth increases members' benefits by up to 50% in 2025
Kasabay naman ng mga benepisyong ito ay ang dobleng pagtaas ng premium ng direct contributors.
Halos taun-taon simula 2019 ay 0.50% ang itinaas ng PhilHealth contribution.
Ang empleyadong may PHP10,000 monthly salary na nagbabayad ng PHP275 kada buwan noong 2019, ay naging PHP500 na ang premium ngayong 2025.