Kung naghahanap ka ng savings investment na mas mataas ang interes kesa sa bangko, ikunsidera mo ang MP2 ng Pag-IBIG (Home Development Mutual Fund).
Ang MP2 o Modified Pag-IBIG II ay voluntary savings program para sa Pag-IBIG members.
Ito ay may five-year maturity period, pero mas mataas ang dividend.
Karagdagan ito sa iyong Pag-IBIG regular savings.
Bukas na rin ang MP2 para sa mga nagpe-pension o retirees ng Pag-IBIG.
Read: Philippine government department acronyms you need to know
WHY MP2 savings IS A GOOD OPTION
Ang maganda sa MP2, guaranteed ang savings dahil ahensiya ng gobyerno ang nagma-manage ng iyong pera.
Mas mataas din ang dividend rate.
Halimbawa para sa 2024, ang rate ay umabot ng 7.1 percent.
Tax-free ang interes na makukuha mo.
Pero kelangang anim na buwan ang minimum na hulog mo sa Pag-IBIG.
HOW TO OPEN AN MP2 SAVINGS ACCOUNT
The requirements
Para makapagbukas ng MP2 Savings account, magsadya sa Pag-IBIG Fund branch bitbit ang valid IDs, gaya ng PhilID Card, passport, driver’s license, PRC ID, NBI Clearance, Police clearance, Postal ID, at Voter’s ID.
I-click ito para sa kumpletong listahan ng mga acceptable IDs o bisitahin sa Pag-IBIG website.
Para sa online enrollment, bumisita lamang sa Pag-IBIG website, i-click ang Program & Benefits, at piliin ang MP2 Savings enrollment.
Sa unang slide ay nakalista ang requirements bago mag-proceed sa enrollment:
- Pag-IBIG Membership ID number
- Photocopy o scanned copy ng isang valid ID
- Selfie photo na hawak ang iyong ID card
- Photocopy o scanned proof of income/source of fund
- Photocopy o scanned Philippine passport
- Certificate of reacquisition/retention of Philippine citizenship
Pagkabasa sa requirements, i-tick ang "Data Privacy"at "Terms and Conditions" boxes.
The step-by-step PROCESS
- I-validate ang Pag-IBIG membership ID, then i-fill out ang Pag-IBIG ID number, last name, first name, at birthday.
- I-click ang iyong membership classification (active, pensioner, former natural-born filipino who acquired Filipino citizenship).
- Saka mo malalaman kung ikaw ay eligible. Muli, tiyakin na meron kang at least six-month contribution sa iyong Pag-IBIG regular account.
- I-fill out ang form para sa iyong contact details.
- Lalabas ang prompt na “Ready to open a Pag-IBIG MP2 Savings Account?” Click “Yes,” and then “Proceed.”
- Ipapadala sa iyo ang iyong One-Time Pin (OTP). Click “OK."
- I-enter ang iyong OTP, then Click “Proceed.”
- Lalabas ang iyong personal information based sa records. I-check ang iyong detalye para matiyak na tama.
- Lalabas ang “Other Information” at dito i-indicate ang iyong mode of payment, desired amount ng monthly savings, at source of funds.
- Susundan ito ng pag-a-upload ng requirements (kopya ng iyong valid ID, selfie pic with valid ID, kopya ng source of income o fund). Click submit.
- Lalabas ang iyong reference number. Tandaan ito.
- Hintayin ang iyong MP2 Savings account number na ipapadala via e-mail sa susunod na three to five days.
- Kapag nakatanggap na ng email at naipadala na ang MP2 Savings account number ay maaari mo nang simulan ang iyong paghulog.
WHAT'S THE MINIMUM DEPOSIT AMOUNT?
Ang minimum ay PHP500/monthly.
Kelangang mag-register sa virtual MP2 account.
Kapag nakapili ka na ng desired amount, maaaring maghulog monthly sa loob ng limang taon o kaya ay one-time lump sum for the whole five-year period.
May option ang members na gawin ang kanilang hulog online o face to face.
- Kung via online, puwedeng maghulog sa pamamagitan ng virtual Pag-IBIG gamit ang e-wallet (GCash, PayMaya, Coins.ph via Bayad) o credit cards.
- Kung over the counter, puwede itong gawin sa anumang Pag-IBIG Fund branch at authorized collecting partners (Asia United Bank, SM Business Centers, Bayad, M. Lhuillier, at ECPay accredited merchants).
Sa mga employed, puwedeng kaltasan ang buwanang hulog via salary deduction by informing your employer.
Para naman sa single o one-time remittance na lampas PHP500,000, kailangang mag-issue ng cash or manager’s check sa anumang Pag-IBIG branch in person.
Kapag single remittance naman na higit PHP100,000, kailangang mag-submit ng proof of income o source of funds.
HOW TO WITHDRAW?
Kelangan mong mag-register sa virtual Pag-IBIG account dahil dito mo mata-track ang iyong savings at dividends.
Puwede mong i-withdraw ang dividend annually o kaya maghintay hanggang sa maturity period, which is after five years.
Posible ring i-withdraw ang iyong MP2 Savings kahit hindi pa tapos ang maturity period basta pasok sa guidelines ang iyong rason.
Halimbawa, para sa active Pag-IBIG members, puwedeng i-terminate ang five-year lock in kung ang rason ay isa sa mga sumusunod:
- Total disability or insanity
- Termination from employment due to health reasons
- Retirement
- Permanent migration to another country
- Unemployment due to layoff or company closure
- OFW repatriation from the host country
- Death of the MP2 account holder, with the MP2 Savings to be received by the member’s beneficiaries
- Critical illness of the MP2 account holder or an immediate family member, certified by a licensed physician, and subject to approval by Pag-IBIG Fund
- Other meritorious grounds as may be approved by the Pag-IBIG Fund Board of Trustees
May set of conditions din para sa mga retirees at pensioners, pati na rin mga members na may compounded dividend payout.
Mababasa ang mga guidelines na ito sa Pag-IBIG website.
HOW TO CLAIM MP2 SAVINGS
Oras na matapos ang five-year period, maaaring i-claim ang iyong dividend sa pamamagitan ng pagbisita sa Virtual Pag-IBIG.
Puwede ring i-claim ito over the counter. Kailangan lamang i-download at i-fill out ang Application for Provident Benefits form na makikita rito.
Para sa karagdagang impormasyon o may mga katanungan tungkol sa MP2 Savings Program, bumisita lamang sa Pag-IBIG Fund website.
Read: UPCAT 2026 applications now open; offers grants to deserving UP students