Tinanggal na ng Philippine Health Insurance Corporation (PhilHealth) ang 45-day benefit limit nito para sa kanilang members.
Malaking bagay ito, lalo na sa mga nangangailangan ng mahaba-habang gamutan.
Ani Dr. Edwin Mercado, PhilHealth acting president and chief executive officer, ang pagtanggal sa 45-day benefit limit rule ay upang matiyak na ang “services of PhilHealth remain unhampered."
Ang pahayag ni Dr. Mercado ay nakasaad sa artikulong lumabas sa PhilHealth website, March 20, 2025.
Sa 45-day benefit limit regulation ng PhilHealth, ang members ay binibigyan lamang ng kabuuang 45 days of confinement kada calendar year.
Ngayong tinanggal na ito, makikinabang ang members na nangangailangan ng mas maraming araw sa ospital at mas matutugunan ang kanilang medical needs.
“The 45-day benefit limit is an outdated cost-containment strategy,” ani ni Dr. Mercado.
“Naiintindihan natin kung bakit ito inilagay noon. Ngunit sa pagbabago ng ating payment mechanism, napapanahon na rin talagang repormahin ito.
“We cannot always predict or schedule our medical needs.
“Marami ring mga serbisyo ang kinakailangan ng higit sa 45 days na coverage.
“Kaya naman nagpapasalamat tayo sa PhilHealth Board for approving this policy update.”
Paliwanag pa ni Mercado, ang hakbang na ito ay para makatulong sa mga Pilipinong may malulubhang sakit at nangangailangan ng mahaba-habang pagpapa-ospital para sa kanilang pagpapagamot.
Ngayong tinanggal na ang 45-day benefit limit, maaari na silang magpagamot nang hindi inaalala na baka mababaon sila sa utang.
Bago ang policy update na ito, una nang dinagdagan ng PhilHealth ang number of sessions na covered para sa hemodialysis packages—ang dating 90 ay 156 sessions na ngayon.
Read: PhilHealth now covers outpatient emergency cases
PHILHEALTH TERMS FOR MEMBERS
Gayunpaman, may mga kondisyon at hakbang na ipatutupad ang PhilHealth matapos tanggalin ang 45-day benefit limit.
Paalala ng PhilHealth, ang pagbibigay ng benefits ay ibabase sa proper medical indication, necessity, at alignment sa treatment plan ng pasyente.
Titiyakin din ang pagsunod sa standards of care, Department of Health (DOH)-approved Clinical Practice Guidelines (CPGs), and/or PhilHealth Circulars on quality standards.
Imo-monitor ng PhilHealth ang admissions, readmissions, at mga medical benefits na igagawad sa mga pasyenteng lumampas ng 45 days para masiguradong naipapatupad nang maayos ang bagong policy.
Sabi pa sa statement, “Health facility compliance with clinical standards and reimbursement rules will be rigorously assessed through the Health Care Providers Performance Assessment System (HCPPAS).”
Paliwanag ni Dr. Mercado, "Ginagawa naman na ito ng ating mga ospital — ako rin, bilang hospital administrator noon, ay pinagtuunan namin ng pansin ang pagmo-monitor ng outcomes.
"Ngunit, ang gusto natin ngayon ay unti-unti mag-transition ang PhilHealth to value-based financing.”
Para sa karagdagang detalye ukol sa PhilHealth Circular 2025-0007, maaaring tumawag sa mga 24/7 touch points ng PhilHealth:
- Telephone number: (02) 866-225-88
- Mobile numbers (Smart): 0998-857-2957, 0968-865-4670
- Mobile numbers (Globe): 0917-1275987 or 0917-1109812
Maaari ring i-download ang naturang circular sa www.philhealth.gov.ph.
Read: PhilHealth eliminates single period of confinement policy