Magbebenta ang Philippine Deposit Insurance Corporation (PDIC) ng 54 lots mula sa mga nagsarang bangko sa pamamagitan ng electronic public bidding (e-bidding).
Isasagawa ito sa April 24, 2025.
Sa inilabas na pahayag ng PDIC nitong March 24, kabilang sa mga ibebentang properties ang mga sumusunod:
- 24 vacant agricultural lots
- 19 vacant residential lots
- five vacant residential or agricultural lots
- four residential lots with improvements
- one agricultural lot with improvements
- one residential or agricultural lot with improvements
Isang hakbang ito para makabawi sa naging lugi at mabayaran ang pay claims ng creditors at depositors na may uninsured deposits.
Read: CHECK THIS OUT: Onion ice cream from Mindoro
MECHANICS OF PDIC BIDDING
Ang nabanggit na properties ay may area na mula 71 square meters hanggang 239,343 square meters.
Matatagpuan ang mga ito sa Aklan, Bukidnon, Camarines Sur, Isabela, Palawan, at Quirino.
Ang electronic bids ng mga gustong lumahok sa bidding ay tatanggapin ng PDIC sa pamamagitan ng e-bidding portal nito: https://assetsforsale.pdic.gov.ph.
Magsisimula ang bidding sa April 23, mula alas nuwebe ng umaga hanggang ala una ng hapon.
Sa April 24, magsisimula rin ito ng alas nuwebe ng umaga at matatapos ng alas dos ng hapon.
Ang mga nagnanais mag-bid ay maaaring lumahok sa e-bidding sa pamamagitan ng one-time registration sa PDIC portal na ito: http://assetsforsale.pdic.gov.ph/Account/Register.
Kapag naka-register na, ang buyers ay maaaring magsumite ng kanilang bids online.
Mamo-monitor ang e-bidding proceedings sa pamamagitan ng pag-click sa “Assets for Sale” icon na nasa PDIC website homepage: www.pdic.gov.ph.
Read: MRT-3 operating hours extended starting March 24, 2025
PDIC’S REMINDERS TO INTERESTED BIDDERS
Ang mga interested buyers ay hinihikayat na bisitahin ang catalog of properties sa e-bidding portal.
Makikita rito ang kumpletong listahan at description ng mga lote, gayundin ang requirements, e-bidding process, at mga kondisyon sa bidding.
Pinapayuhan din ang prospective bidders na i-review mabuti ang terms and conditions na inilatag ng PDIC.
Read: Married women can revert to their maiden names. Here’s how—DFA
PROSPECTIVE BUYERS’ RESPONSIBILITIES
Ipinapaalala ng PDIC sa prospective buyers na responsibilidad ng mga ito na alamin ang actual condition, status, ownership, at iba pang mga bagay na dapat isaalang-alang sa mga properties na gusto nilang bilhin.
Ang winning bidders ng agricultural properties ay kinakailangang magsumite ng certification sa loob ng 15 days matapos ang e-bidding.
Ang certification ay magmumula sa Provincial Agrarian Reform Officer ng Department of Agrarian Reform kung saan naroroon ang property.
Dapat nakasaad sa certification na ang agricultural lot ay hindi saklaw o sakop ng Comprehensive Agrarian Reform Program.
Wala rin dapat ipinalabas na Emancipation Patent o Certificate of Land Ownership Awards para sa naturang property.
Read: Palace declares April 1, 2025 as regular holiday
Ang winning bidders ay kailangan ding magsumite ng affidavit of aggregate landholdings sa loob ng 15 araw.
Dapat nakasaad sa affidavit na ang collective landholdings, kabilang ang property or properties to be acquired sa panahon ng bidding ng winning bidders, ay hindi lumampas sa five-hectare limit na itinakda ng batas.
Ang mga participants na magbi-bid bilang kinatawan ng ibang tao o organisasyon ay maaaring mag-download ng pro-forma special power of attorney and secretary's certificate mula sa e-bidding portal.
Read: Herbal medicine for gout effective and safe—UP Manila institute