Maraming guro ang umaasa na ang kanilang pinag-aralan ang siyang lalabas sa board exam.
Isa ito sa ia-address ng joint memorandum circular na nilagdaan ng Professional Regulation Commission (PRC) at ng Commission on Higher Education (CHED) noong April 10, 2025.
Babaguhin ang Board Licensure Examination for Professional Teachers (BLEPT) para maging mas aligned sa teacher education curriculum.
Dapat masukat daw nito ang kakayahan ng mga guro para sa epektibong pagtuturo batay sa mga itinakdang policies, standards, and guidelines.
Sisimulan ito sa September 2025.
Ang mga lumagda circular ay sina PRC chairperson Charito Zamora at CHED chairperson J. Prospero de Vera III sa isang seremonyang sinaksihan ni Pangulong Ferdinand R. Marcos Jr. sa Malacañang.
Ayon sa Pangulo, patunay ang circular na ito sa determinasyon ng kanyang administrasyon na mapagkalooban ang bawat gurong Pilipino ng skills and tools na kinakailangan.
Pahayag niya: “It is a vital step towards raising the quality of education for our present and, most importantly, our future generations.
“Through the close cooperation of the Professional Regulation Commission and the Commission on Higher Education, we are aligning our systems to ensure the Licensure Examination reflects the actual competencies needed in classrooms today —whether in early childhood education, special needs education, or the many subjects taught in high schools across the country.”
Read: DepEd announces plan to reduce teachers' paperwork by 57%
BLEPT NG ELEMENTARY SECONDARY AT SECONDARY, PAGHIHIWALAYIN
Para maging eligible sa pagkuha ng BLEPT, kailangang may Bachelor of Education (BEEd) degree o equivalent nito.
Pero iisa lamang ang exam para sa elementary at secondary education.
Nakasaad sa circular na ang susunod na BLEPT ay gagawin "separately by program, aligned with the relevant programs, standards, and guidelines issued by CHED.”
Ang exam para sa elementary education ay mapo-focus sa dalawang vital specializations—partikular ang Early Childhood Education at Special Needs Education.
Para sa secondary education, kabilang sa specializations ang English, Filipino, Mathematics, Science, Social Studies, Values Education, Technology and Livelihood Education, Technical-Vocational Teacher Education, Physical Education, at maging ang Culture and Arts Education.
Read: Married women can revert to their maiden names. Here’s how—DFA
REVAMP SA BLEPT, BAKIT IPAPATUPAD
Ang reporma sa BLEPT, ayon sa Pangulo, ay tumutugon sa long-standing gaps sa Philippine Teachers Professionalization Act of 1994.
Tinukoy niyang mula 2014 hanggang 2024, may average lang na 36.33 percent of examinees ang nakakapasa sa BLEPT sa elementary level. Nasa 43.57 percent naman sa secondary level.
Umaasa ang gobyerno na sa pamamagitan ng circular, ang proseso ng BLEPT ay mas magiging relevant sa bawat examinee.
Nabibigyan din ng magandang pagkakataon ang mas maraming education graduates na makapasa sa board exam.
Paliwanag ng Pangulo, “Because what they learn should prepare them for the test that they are meant to take and the classrooms they are meant to lead.”
Read: PhilHealth lifts 45-day benefit limit rule for members
BLEPT TO ADDRESS LOW PASSING RATES OF TAKERS
Batay sa Second Congressional Commission on Education report, ang misalignment sa pagitan ng teacher education curriculum mula sa CHED at ang BLEPT na isinasagawa ng PRC ay nagreresulta sa low passing rates.
Sa March 2024 BLEPT, ang mga nag-major ng Music, Arts, Physical Education and Health o MAPEH (34.1 percent), at Technology, Livelihood, Tech-Voc Education o TLTVE (33.2 percent) ay may mababang passing rates kumpara sa average na 62.9 percent.
Ang Early Childhood Education graduates ay may passing rate na 42.1 percent.
Nagkakaroon din ng teacher specialization mismatch: 62 percent ng high-school teachers ay nagtuturo ng mga subjects na hindi naman nila kinuhang major sa college.
Isa ito sa itinuturong dahilan sa pagbaba ng kalidad ng edukasyon sa Pilipinas.
Read: Why there's a need for emergency response trainings in the Philippines