Inanunsiyo ng Department of Transportation (DOTr) na 50% na ang discount sa pamasahe ng mga estudyanteng sumasakay sa MRT-3, LRT-1, at LRT-2.
Ipinost ang announcement sa DOTr Facebook ngayong Biyernes, June 20, 2025. Epektibo na rin ang students’ discount ngayong araw.
Nakasaad sa post, “Ang 50% student discount ay applicable rin sa mga estudyanteng naka-enroll sa postgraduate studies at magagamit sa train lines araw-araw, kahit Sabado, Linggo o holiday.”
But wait, may mga panuntunan:
- Kailangang magpakita ng valid student ID;
- Applicable ito sa lahat ng estudyante, kabilang ang postgraduate students;
- Valid lamang ang promo sa single-journey ticket.
- Hindi ito applicable sa Beep Cards o stored-value tickets; at
- Kailangang bumili ang estudyante ng single-journey ticket sa ticket counter.
Sunud-sunod ang komento ng netizens sa post ng DOTr.
Iba-iba ang kanilang sentimyento sa promo na ito.
May mga natuwa sa magandang balita, meron ding hindi.
Read: Kylie Padilla still “heartbroken” over Amihan’s death in Encantadia
NETIZENS REACT
Baka hindi kasi masyadong mapapakinabangan ang discount dahil maaabala ang estudyante bago makasakay.
“Paano pag mahaba ang pila, rason para puwede ma-late ang estudyante,” katwiran ng isang netizen.
Aniya, sana raw ay may priority lane din ang mga estudyante para mapabilis ang pagbili ng ticket.
Kinontra naman ito ng isang netizen.
Sabi nito, “Mga Pinoy nga naman. Kapag walang ginawang maganda gobyerno may puna at masasabi. Kapag may ginawa ganun pa din.”
Kung hassle daw ang mag-avail ng single-journey tickets, mag-Beep card na lang ang estudyante.
Sundot niya: “Now kung gusto mag-avail gumising nang maaga. Mag-adjust ng oras sa pagpasok. Agahan.”
May nagsabi namang “good initiative” ito.
“However, mas maganda if this will be applicable to Beep card users as well, since most students use it to avoid long lines.”
Gaya ng ibang comments, ang mungkahi niya ay magkaroon ng "special lane" para sa mga estudyante.
Katwiran naman ng isang netizen, kailangan talagang pumila dahil iba-validate ang ID ng mga estudyante.
Sabi niya: “Since 50% naman ang discount, courtesy na lang siguro at di masamang asahan sa mga estudyante na umalis nang maaga para makapila nang maaga.”
May isang estudyante ang nagkuwento ng kanyang di magandang karanasan matapos ma-avail ng 50% discount.
Aniya, “hassle” ito.
“Tried the 50% student discount today and ang weird na pinakita mo na student ID mo, as it says sa instruction, pero need mo pa mag-fill out ng form na nakaka-hassle sa pila lalo na pag rush hour.”
Marami ang may ganitong sentimiyento.
Ang suggestion nila, i-integrate ang student discount sa stored-value tickets o Beep cards.
Dahil kung current system daw ang ipapatupad, “tagal niyan pila tapos mag-fill out ka at magpipirma ka pa sa cashier for discounts. Ending, hahaba pila.”
Matapang namang komento ng isa pa: “Mostly students are using Beep cards to save time. This program is no use for them.”
Sang-ayon dito ang ilan pa.
Kung ikaw ay sumasakay sa kilalang tatlong rail stations, mapapansin na sa tuwing mag-a-avail ang senior citizens, kailangan nilang mag-present ng senior IDs at mag-fill out ng forms.
Kumakain ito ng oras, pero required ito para ma-avail ang diskuwento.
Lehitimo ang concern ng netizens na posibleng humaba ang pila.
Mismong si DOTr Secretary Vincent Dizon, sinabi sa kanyang interview sa press ngayong araw na “dito pinakamarami ang ridership natin na mga estudyante.”
Kung gayon, magiging counter-productive ito sa recent measure ng DOTr na pagtatanggal ng mga X-ray bag scanner para iwasan ang mahahabang pila sa mga rail stations.
Read: DOTr starts removing X-ray machines at MRT-3 stations; here's why