Mas matibay na proteksiyon at magagandang oportunidad ang naghihintay sa mga manggagawang Pilipino kasunod ng paglagda sa “Implementing Guidelines for the Pilot Project on the Recruitment and Employment of Filipino Hotel Workers in Croatia.”
Inianunsiyo ito ng Department of Migrant Workers (DMW) sa official Facebook account nito last July 17, 2025.
Ang paglagda sa naturang guidelines ay isinagawa sa pagitan nina DMW Undersecretary Felicitas Q. Bay at Director General of the Croatian Employment Service Ante Loncar sa pamamagitan ng isang virtual ceremony.
Sinaksihan naman ito nina Philippine Ambassador to Austria Evangelina Lourdes A. Bernas at Croatian Director of Labor and Employment Directorate Luka Cirko.
Ang milestone na ito ay hudyat ng malaking hakbang para ma-facilitate ang safe, ethical, and government-to-government job opportunities para sa mga Overseas Filipino workers (OFWs) na magiging bahagi ng hospitality sector ng Croatia.
Read: How the 20 percent interest tax affects bank depositors
EMPLOYERS IN CROATIA TO SHOULDER RECRUITMENT-RELATED COSTS
Sa ilalim ng kasunduan, ang Croatian employers ang siyang gagastos para sa recruitment-related costs ng OFWs, “subject to permissible fees agreed upon by both parties.”
Pinagtibay rin ang malinaw na dispute resolution mechanism, alinsunod sa labor laws ng Pilipinas at ng Croatia.
Bukod dito, ihahanda ang OFWs sa employment sa pamamagitan ng Pre-Departure Orientation Seminar (PDOS) na isasagawa ng Overseas Workers Welfare Administration (OWWA).
Magkakaroon din ng Pre-Flight Briefing na pangungunahan ng Pre-Employment and Government Placement Bureau (PEGPB) ng DMW.
Read: Seniors, PWDs to get 50 percent train fare discount
HOW MUCH CAN OFWS EARN IN CROATIA?
Noong March 18, 2025 pa inianunsiyo ni DMW Undersecretary Patricia Yvonne Caunan ang tungkol sa government-to-government program katuwang ang Croatia, kung saan magkakaroon ng maraming job openings para sa Filipino hotel workers.
Ani Caunan, ang libu-libong job openings sa Croatia ay bahagi ng lumalakas na labor ties sa pagitan ng Pilipinas at ng mga bansa sa Europe.
Bukod naman sa Croatia, nakakuha rin aniya ang DMW ng labor agreements sa Slovenia at Hungary.
Binanggit din niya ang posibleng maging suweldo ng OFWs sa mga bansang nabanggit.
“Sa Croatia, it is 1,000 euros above. Sa Slovenia naman, nasa around 1,500 to 2,500 euros para sa caregivers.”
Ang suweldong 1,000 euros ay halos katumbas ng PHP62,000.
Read: LTO: Renewal of driver’s license can now be done online