Ia-adopt na ng Bank of the Philippine Islands (BPI) ang InstaPay para sa lahat ng bank-to-bank at bank-to-e-wallet cash-in transactions.
Alinsunod ito sa direktiba ng Bangko Sentral ng Pilipinas na ma-enhance ang interoperability and transparency ng digital financial services.
Ini-announce ito ng BPI sa Facebook kahapon, September 30, 2025.
Kaya simula October 1, ang standard PHP15 service fee ay ia-apply sa cash-in transactions na ginawa via InstaPay, kabilang ang GCash.
Ang ganitong patakaran ay una nang ipinatupad sa ShopeePay at SeaBank noong August.
Ia-apply na rin ito sa ibang apps sang-ayon sa kautusan ng BSP.
Ayon sa BPI: “The fee covers additional expenses, including clearing costs from BancNet, the designated clearing switch operator for InstaPay.”
Read: GSIS removes cap on survivorship pensions
BPI CLIENTS CAN STILL ENJOY LOWER FEES AND ZERO CHARGES
Ang clients ng BPI ay patuloy na ma-e-enjoy ang lower fees or zero charges sa pamamagitan ng sumusunod na options:
- BPI app: Transfer funds to GCash via InstaPay for only PHP10. Select customer segments and merchant payments continue to enjoy free transfers.
- BPI #MySaveUp (on GSave): Open a BPI #MySaveUp account via the GCash app with no maintaining balance. Funds can be transferred from the BPI app to GSave at zero fees and then withdrawn to the GCash e-wallet.
Read: 10 Philippine companies make it to World's Best Companies 2025
GCASH DIRECT CASH-IN TRANSACTIONS TO BE PROCESSED VIA INSTAPAY
Sa hiwalay na statement sa official Facebook page last September 29, sinabi ng GCash na lahat ng direct cash-in transactions ay ipa-process na rin via InstaPay simula October 1.
Hindi naman magpapataw ang GCash ng additional fees sa ilalim ng bagong InstaPay model.
Gayunpaman, tinukoy nito na ang partner banks ay maaaring mag-adjust ng kanilang sariling service charges depende sa ipinatutupad na policies ng mga ito.
Pinayuhan din nito ang mga customers na i-check sa kani-kanilang bangko ang specific transition schedules and updated fees.
Ayon sa GCash: “We remain committed to keeping our services safe, seamless, and affordable, while working with partner banks and regulators to serve you better.”
Read: Tips: Paano itama ang maling pangalan at birthday sa SSS record?