Magsasagawa ang Government Service Insurance System (GSIS) ng review ng pension and benefit levels para sa mga pensiyonado ng ahensiya.
Kasunod ito ng isinagawang konsultasyon sa asosasyon ng mga guro at grupo ng government employees noong October 7, 2025, sa GSIS Head Office, Pasay City.
Sa inilabas na pahayag ng ahensiya sa official website nito last October 8, sa konsultasyon sa pagitan ng state pension fund, Action and Solidarity for the Empowerment of Teachers (ASSERT), Philippine Government Employees Association (PGEA), at Retired ASSERT (Re-ASSERT), na binubuo ng mga dating ASSERT members na ngayon ay GSIS pensioners na, tinalakay ang concerns na ni-raise ng mga members and pensioners.
Inatasan ng ASSERT ang GSIS na i-reassess ang minimum pension, burial benefit, at Christmas cash gift na ipinagkakaloob sa pensioners.
Read: GSIS removes cap on survivorship pensions
GSIS RECOGNIZES THE NEED FOR REGULAR ASSESSMENT OF PENSIONERS’ BENEFITS
Ni-recognize naman ni GSIS President and General Manager Wick Veloso ang inisyatiba ng ASSERT at PGEA na kailangan ang regular na pag-a-assess kung sapat pa ba ang benepisyong natatanggap ng pensioners.
Gayunpaman, sinabi ni Veloso na ang anumang adjustments sa mga benepisyo ay kailangang dumaan muna sa “actuarial study” para mapangalagaan ang long-term stability ng Social Insurance Fund.
Ani Veloso: “GSIS fully understands our members’ concerns.
“However, we must ensure that all reforms are fiscally sound and sustainable to protect the fund for future generations.”
Read: NETIZENS REACT: Civil service eligibility for SK leaders
GSIS SHARES INITIATIVES THAT MAKE TRANSACTIONS EASIER FOR MEMBERS AND PENSIONERS
Ibinahagi rin ni Veloso sa dalawang grupo ang mga inisyatiba ng GSIS na naglalayong mas mapaganda at mapadali ang pag-access ng members and pensioners ng kanilang mga benepisyo.
Kabilang dito ang GSIS Touch mobile app para sa online loan filing, at Annual Pensioners’ Information Revalidation (APIR).
Kabilang din ang affordable housing programs na may lease-with-option-to-buy terms.
Nagpahayag si ASSERT President Arlene James Pagaduan ng optimism na ang patuloy na konsultasyon ay makatutulong para maresolba ang mga problema ng mga guro.
Umaasa naman si PGEA President Esperanza Ocampo na ang partnership ng grupo sa GSIS ay malaki ang maitutulong sa pag-angat ng kalagayan sa buhay ng mga government employees.