Inihayag ng Metropolitan Manila Development Authority (MMDA) ang isasagawang traffic mitigation measures sa Metro Manila para mapagaan ang inaasahang bigat ng daloy ng trapiko sa paparating na Christmas season.
Ibinahagi ito ng MMDA sa Facebook last October 17, 2025.
Nagkaroon din ng consultative meeting sa pagitan ng MMDA, iba pang ahensiya ng pamahalaan, at mga shopping malls sa National Capital Region.
Read: What to do if money is deposited into your account by mistake
MALLS, OTHER STAKEHOLDERS SUPPORT MMDA’S TRAFFIC-ALLEVIATING MEASURES
Sinuportahan ng representatives ng shopping mall management, Department of Public Works and Highways (DPWH), water, electricity, and telecommunications companies ang mga inilatag ng MMDA na comprehensive traffic-alleviating measures.
Naririto ang mga napagkasunduan:
- Isusumite ng shopping mall operators ang kani-kanilang traffic management plans sa MMDA para sa kanilang mall sales and promotional events dalawang linggo bago ang scheduled dates ng naturang events.
- Ang deliveries ng shopping mall operators ay kailangang isagawa tuwing gabi mula 11:00 P.M. hanggang 5:00 A.M. ng susunod na araw maliban sa perishable goods gaya ng mga pagkain at yelo.
- Ang mall-wide sale ay papayagan lang tuwing weekends. Gayunpaman, ang sale sa ibang stores or outlets na nasa loob ng mall ay maaaring payagan kahit weekdays basta’t walang isasagawang announcement, advertisement, o idi-display na tarpaulins na nagsasaad ng tungkol sa sale.
- Ang shopping malls ay kailangang i-adjust ang operating hours mula 11:00 A.M. hanggang 11:00 P.M. tuwing weekdays.
- Ipatutupad din ang temporary suspension ng excavation activities sa lahat ng national and city roads sa Metro Manila.
Kabilang dito ang:
a. All road right-of-way excavation activities
b. Road reblocking works
c. Pipe-laying
d. Road upgrading and other excavation works that may hinder or disrupt the smooth flow of traffic.
Exempted naman sa moratorium ang flagship projects ng gobyerno, DPWH bridge repair and construction, flood interceptor catchment projects, emergency leak repair, at iba pang nasa ganitong kategorya.
Read: 50% of Filipinos want Duterte accountable as ICC junks release
MALLS' OPERATING HOURS FROM NOVEMBER 17 TO DECEMBER 25
Sinabi ni MMDA Chairman Atty. Don Artes na ang ganitong measures ay epektibo para mabawasan ang volume ng mga sasakyan kapag holiday season kung kailan bugso ang dami ng tao sa shopping malls sa Metro Manila para bumili at maglibang.
Ani Artes: “The Christmas season brings with it a 10 to 25 percent increase in vehicular volume in Metro Manila roads.
“By implementing these effective measures, we aim to provide a more manageable traffic flow for the holidays.”
Ipatutupad ang mga hakbang na ito simula November 17 at matatapos sa
Read: TIPS: The 50-20-30 rule for saving money
MMDA ANNOUNCES SCHEDULE OF PROVINCIAL BUSES ALONG EDSA
Ang provincial buses ay papayagang makadaan sa EDSA mula 10:00 P.M. hanggang 5:00 A.M. ng susunod na araw simula December 20.
Mula naman sa December 24, 2025 hanggang January 2, 2026, papayagan ang provincial buses sa EDSA nang 24 oras para makapagsakay ng mas maraming pasahero.
Sa nasabing period, ang provincial buses na magmumula sa north ay kailangang humimpil sa Cubao, Quezon City.
Ang mga magmumula sa south ay kailangan namang tumigil sa Parañaque Integrated Terminal Exchange o sa Pasay City.
Read: TIPS: What you can do to be prepared for an earthquake
MMDA TO REQUEST EXTENDED OPERATION OF PUBLIC TRANSPORT SYSTEM, PUVS
Sinabi rin ng MMDA na ang night-shift duty ng traffic enforcers sa major thoroughfares sa Metro Manila ay extended hanggang alas dose ng hatinggabi simula November 17.
Makikipag-coordinate din ang ahensiya sa Department of Transportation (DOTr) at iba pang transport groups para mapalawig ang oras ng biyahe ng public transport system, lalo na ang EDSA Bus Carousel, LRT, and MRT, gayundin ang operasyon ng public utility vehicles.
Ito ay upang ma-accommodate ang late-night commuters and mall employees.
Palalakasin din ng MMDA ang pagpapatupad ng No Contact Apprehension Policy at ng clearing operations para mas maisaayos ang daloy ng trapiko.
Read: GSIS reviews pension, burial, Christmas cash gift benefits