Personal na pinasalamatan ni Department of Migrant Workers (DMW) Secretary Hans Leo J. Cacdac ang Hungarian government sa kanyang pagbisita kamakailan sa Budapest, ang capital ng Hungary.
Ang gesture ni Cacdac ay bunsod ng patuloy na pagkakaloob ng Hungary ng employment opportunities para sa Overseas Filipino Workers (OFWs) sa ilalim ng Guest Worker Program ng bansa.
Ibinahagi ito ng kalihim sa official Facebook page ng DMW last October 20, 2025.
Nakipagpulong si Cacdac kay Hungarian Interior Minister Sándor Pintér at iba pang senior officials ng Ministry of Interior, na pormal na tumanggap sa Philippine delegation.
Read: Voter registration resumes; will end on May 18, 2026
INTERIOR MINISTER OF HUNGARY ALL PRAISES FOR FILIPINO WORKERS
Sa ginanap na meeting, pinuri ni Minister Pintér ang mga Filipino workers dahil sa kanilang positive contributions sa kanilang workforce.
Iniulat din nitong nasa 14,000 na ang mga Pilipinong nagtatrabaho sa Hungary—at patuloy pang nadadagdagan.
Ibinahagi din ni Minister Pintér na bagama’t ang Hungary ay pumapayag lang na magkaroon ng guest workers mula sa mga bansang mayroon itong Readmission Agreement, ang Philippines aniya ay “special exception.”
Tiniyak din niyang mas maraming OFWs ang mabibigyan ng pagkakataong maging bahagi ng workforce ng Hungary.
Aniya: “We made a good decision because of the high quality of services that Filipinos provide and their proven record as law-abiding people.”
Simula noong January 2025, tanging ang Armenia, Georgia, at Philippines ang naging eligible para sa guest worker program ng Hungary.
Tiniyak naman ni Cacdac na ang ipapadalang Filipino workers sa Hungary ay nagtataglay ng professionalism, integrity, and excellence.
Ani Cacdac, “This partnership with Hungary not only provides meaningful jobs for our workers, but also enhances the friendship between our two nations.”
Read: Metro Manila malls to operate from 11 A.M. to 11 P.M. starting Nov. 17
HOW MUCH DOES A FOREIGN WORKer IN HUNGARY EARN?
Sa Hungary, ang sahod ng foreign workers ay nagre-range mula sa legal minimum wage na HUF 290,800 (PHP 50,593.38) per month for general positions.
Ang guaranteed minimum wage para sa foreign workers ay HUF 348,800 (PHP 60,678.64) per month for roles requiring secondary education or equivalent.
Gayunpaman, ang actual salaries ay nag-iiba-iba depende sa profession.
Kabilang sa matataas ang sahod sa Hungary ang nasa sectors ng management, IT, and aviation, kung saan ang employers ay nag-o-offer ng mas mataas na average monthly incomes.
Read: TIPS: The 50-20-30 rule for saving money
DMW ESTABLISHES NEW LABOR OFFICE IN HUNGARY
Last October 18 ay pinangunahan din ni Cacdac ang inauguration and blessing ng bagong Philippine Labor Office sa Budapest.
Ito ang kauna-unahang overseas branch na naitatag sa ilalim ng DMW mula nang buuin ang ahensiya noong 2021.
Ang bagong opisina ay malapit sa iconic Hungarian Parliament building.
Ani Cacdac, “We opened more than just doors; we opened a new chapter of service, compassion, and commitment.”
Ang bagong labor office ay magiging hub sa pagkakaloob ng assistance, welfare, labor relations, at iba pang mga serbisyo para sa Filipino na nasa Europe.
Read: What to do if money is deposited into your account by mistake