Itinaas ng Philippine National Police ang recruitment standards nito sa pagtanggap ng mga aplikante na gustong maging pulis.
Ito ay upang ma-meet ang demands ng “modern policing.”
Sa inilabas na pahayag ni PNP acting chief Lt. Gen. Jose Melencio Nartatez Jr. nitong October 28, 2025, para raw matugunan ang kanilang 2025 Attrition Quota, prayoridad ng pulisya ang mga aplikanteng bukod sa may malusog na pangangatawan ay mataas din ang digital competence and analytical skills.
Ani Nartatez: “This initiative ensures that our future police officers are not just strong and disciplined but also capable of operating in a digital environment.
“We are looking for individuals who can contribute to our growing efforts in cybercrime investigation, digital forensics, and information and communications technology.”
Read: SWS survey: Money is the primary cause of stress among Filipinos
PNP APPLICANTS MUST BE TECH-SAVVY
Ibinahagi rin ni Nartatez na katuwang ang National Police Commission, aktibo silang naghahanap ng mga professionals na may background sa computer science, engineering, information systems, and data analytics.
Ito ay para mas mapalakas ang cybercrime units, digital investigations, and command center operations ng PNP.
Ani Nartatez, “Modern policing requires officers who can navigate both the physical and digital frontlines of law enforcement.”
Read: Hungary offers more jobs for Filipinos under Guest Worker Program
PNP assures NO PADRINO SYSTEM IN RECRUITMENT PROCESS
Ayon naman kay PNP spokesperson and public information chief Brig. Gen. Randulf Tuaño, nangangailangan ang PNP ng 6,500 pulis sa kasalukuyan.
Ang mga aplikante ay maaaring magsumite ng requirements sa alinmang local police station ng 17 regional offices at iba pang support units.
Maaari ring magsumite ng application online. I-click lang ang link na ito: https://www.printfriendly.com/document/pnp-entrance-examination-application-form.
Sa ilalim ng Napolcom Resolution No. 2025-0580 na inaprubahan noong October 1, 2025, nakasaad na, “…police applicants must demonstrate competence, integrity, and readiness to uphold law and order.”
Gaya ng naunang nabanggit, prayoridad sa naturang resolution ang applicants na may information and communications technology (ICT) skills at mahusay sa CCTVs, drones, at body-worn cameras.
Tiniyak naman ni Nartatez sa publiko na ang buong recruitment process ay isasagawa sa ilalim ng digitized and merit-based selection process ng PNP.
Ito ay para raw maiwasan ang “padrino” (influence or backer) culture, bias, at pakikialam ng mga maimpluwensiyang tao sa pagtanggap ng mga bagong pulis.