Nadiskubre niyo na ba ang kahulugan ng “6-7” o “six-seven”?
Sa sobrang popular ng salitang ito (kung salita man itong matatawag), partikular sa mga Gen Alpha, ito ang napiling “Word of the Year” ng Dictionary.com, ang oldest online dictionary at reference website.
Hindi lang bukambibig ng mga teens ang "6-7," kundi pati na rin ng mga tweens na edad 8 to 12 years old.
Recently, nag-viral ito nang mabanggit sa episode ng 24 Oras, ang news prime cast ng GMA-7.
Naging meme din ang video clip dahil sa pagmuwestra ng news anchor na si Emil Sumangil ng kaakibat na hand movement ng “6-7”: nakataas ang dalawang kamay at alternate na taas-baba na animo ay naninimbang.
Ang pagiging Word of the Year nito ay naging laman ng international news.
Pero kahit ito ang pinili ng Dictionary.com, aminado ang site na kahit sila ay hindi tiyak kung ano ang kahulugan ng “6-7.”
Sinabi ng Dictionary.com na para sa criteria, nag-shortlist sila ng mga salitang “reflecting social trends and global events that define the year.”
Hindi lamang daw ang pagiging popular ng salita ang tanging basehan, kundi pati na rin ang impact nito sa society.
Napili nila ang “6-7” matapos kumuha ng maraming datos, tulad ng pagiging headline nito, pagti-trend online, at pagiging bukambibig sa social media at sa face-to-face interactions.
Read: What is preauricular pit, the small hole in some people’s ear?
viral “6-7” and its origin
Hinimay rin kung paano nagsimula ang “6-7.”
Ginamit ito sa kantang “Doot Doot (6 7)” ng American rapper na si Skrilla.
Ginamit ang kanta sa TikTok videos na tampok ang NBA player na si LaMelo Ball na 6’7” ang taas, kaya tumaas ang traction ng word na “6-7.”
Lubusan itong nag-viral dahil sa video ng isang batang nanonood ng basketball, na sumisigaw ng “six seven” kasabay ng pagmuwestra ng hand gesture na animo’y nagtitimbang.
Binansagan ang bata bilang “6-7 Kid.”
Pero hindi pa rin nasasagot ang malaking palaisipan sa totoong kahulugan nito.
THE MEANING OF “6-7”
“Well… it’s complicated,” saad ng Dictionary.com.
“Some say it means ‘so-so,’ or ‘maybe this, maybe that,’ especially when paired with its signature hand gesture, where both palms face up and move alternately up and down.”
Halimbawa, ito raw ang isinasagot ng kabataan kapag kinukumusta sila ng kanilang mga magulang tungkol sa kanilang araw sa school.
Sa Tagalog, puwedeng ang katumbas nito ay "medyo-medyo lang," "ayos lang," o kaya ay "sakto lang."
Hindi definite ang kahulugan nito at depende sa gamit.
Giit pa ng Dictionary.com sa kahulugan ng “6-7”: “Perhaps the most defining feature of 6-7 is that it’s impossible to define. It’s meaningless, ubiquitous, and nonsensical.”
Ito raw ay isang “brainrot,” isang modern term na ibig sabihin ay nakakaranas ng brain fog dahil sa pagbababad online.
May dagdag na paliwanag ukol sa kahulugan ng “6-7.”
Bukod sa nabanggit na kahulugan nito, tulad ng “so-so” o “maybe this, maybe that,” isa rin itong “exclamation.”
"It’s part inside joke, part social signal, and part performance," ani Steve Johnson, director of lexicography for the Dictionary Media Group sa IXL Learning sa isang news release.
"When people say it, they’re not just repeating a meme; they’re shouting a feeling.
“It’s one of the first Words of the Year that works as an interjection—a burst of energy that spreads and connects people long before anyone agrees on what it actually means."
Read: A guide to pre-terminating MP2 savings without penalty