Ini-launch ng Bank of the Philippine Islands (BPI) ang Partner Store Services para makapag-withdraw ang customers sa cashiers ng ilang piling grocery o kaya’y department store.
Ini-announce ito ng BPI sa official Facebook page nito last November 12, 2025.
Ang service ay libre.
Nakipagtuwang ang BPI sa Robinsons Retail Holdings, Inc. na may-ari ng Robinsons Supermarket, Robinsons Department Store, The Marketplace, Shopwise, Robinsons Easymart, gayundin sa No Brand and Toys R Us.
Dahil dito, ang BPI ay may 300 additional branches kung saan puwedeng mag-withdraw ang customers nang walang dagdag na gastos.
Bilang pagpapakita ng suporta, nasa promotional video ng bagong BPI service sina Robina Gokongwei-Pe ng Robinsons at Mariana Zobel de Ayala ng Ayala Group.
Nasa launch event din si Gokongwei-Pe.
Ayon kay said BPI President TG Limcaoco: “Part of our thrust is to make banking available to as many Filipinos as possible.
"Because thrust is really financial inclusion.”
Para naman kay Tin Tueres, Managing Director ng Robinsons Supermarket Corporation: “Customers can withdraw cash in store fast, secure, and convenient.
“And soon we’ll be adding cash deposit services to make the experience even more complete.
“We’re not just making grocery shopping easier; we’re changing how Filipinos bank.”
Read: TikTok Shop sellers to be charged PH5 order processing fee
HOW BPI CUSTOMERS CAN WITHDRAW FROM STORE CASHIERS
Para makapag-withdraw, ang customers ay kailangang mag-log in sa BPI app at mag-generate ng withdrawal barcode.
Ito ang ipapakita sa cashier.
Ang withdrawal barcode ay maaari ring ibigay sa kamag-anak o kaibigan—at puwede nilang i-withdraw ang cash.
Ang minimum withdrawal ay PHP100, habang ang maximum withdrawal ay PHP10,000 kada transaksiyon.
Hanggang limang (5) transaksiyon ang pinapayagan kada araw.
Puwede ring mag-withdraw ng specific amount— halimbawa ay PHP120—hindi gaya sa ATM na naglalabas lang ng PHP100, PHP500 at PHP1,000.
Read: DSWD condemns cash aid "cut" by Iloilo barangay officials
ROBINSONS’ CASHIERS TO UNDERGO TRAINING FOR THE NEW BPI SERVICE
Sinabi ni Limcaoco na ang launching ng bagong BPI service ay napapanahon dahil mataas ang demand sa cash sa huling tatlong buwan ng taon.
“During the Holiday Season, there will be a lot of demand for cash.
“People will be going to the branches to withdraw, to ATM, and this is another channel for them.”
Hindi naman babawasan ang bilang ng ATMs at physical branches ng mga bangko.
Ani Limcaoco, ang bagong BPI service ay additional option para sa customers.
Tiniyak din niyang madaragdagan pa ang ATMs at physical branches ng BPI.
Sasailalim naman ang lahat ng cashiers ng Robinsons at iba pang partner stores sa training para sa bagong service.
Inaasahan ng BPI na magkakaroon ito ng 500 partner stores sa pagtatapos ng 2025.
Read: Ricky Lee Scriptwriting Workshop now accepting applicants