Sa pagtatapos ng 2025 at pagsapit ng Kapaskuhan, nagdaos ang state-run Home Development Mutual (Pag-IBIG) Fund ng raffle draws para sa mga miyembro nito.
Ginanap ang year-end grand draws para sa One-Plus-One Raffle Promo at Multi-Purpose Loan (MPL) Loan-to-Win Raffle Promo last December 16 sa Makati City.
Ang cash prizes ay umaabot hanggang PHP500,000.
Ini-announce ng ahensiya ang winners ngayong December 17 sa official Facebook page nito.
Read: Atom Araullo grants security guard’s wish
PAG-IBIG’S RAFFLE PROMO INITIATIVES
Ang One-Plus-One Raffle Promo ay nakatulong para mapalawak ng ahensiya ang membership base nito, kabilang ang overseas Filipino workers at maging ang nasa informal sector.
Ang MPL Loan-to-Win Raffle Promo naman ay nagkaloob ng premyo para sa Pag-IBIG members na nag-avail ng short-term cash loan para sa kanilang pinansiyal na pangangailangan.
Ang dalawang raffle promos ay bahagi ng inisyatiba ng pamahalaan para matiyak na ang mga manggagawang Pilipino—lalo na ang mga hindi kabilang sa formal workforce—ay mabigyan ng pantay na oportunidad.
Bukod sa nakaka-ipon ang mga ito, nagkakaroon din sila ng sariling tahanan at matatag na kinabukasan.
Read: Influencer gives PHP100M Christmas gift to 88-year-old cashier
PAG-IBIG’S ONE-PLUS-ONE RAFFLE PROMO MECHANICS AND PRIZES
Ang One-Plus-One Raffle Promo ay inilunsad noong January 2025.
Hinihikayat nito ang active members na maging “PagIBIGfluencers” sa pamamagitan ng pag-iimbita sa nonmembers na magparehistro sa Pag-IBIG, at maging ang inactive members na mag-reactivate ng kanilang membership.
Bago ang ginanap na year-end grand draw, nagkaroon na ng early draws kung saan ilang PagIBIGfluencers at kanilang referred “plus ones” ang nanalo.
Ang mga naunang winners ay naka-announce sa Facebook page ng ahensiya.
Sa ginanap namang One-Plus-One Grand Draw, tatlong pares ang nagwagi ng top prizes.
Ang unang pair ay nakapag-uwi ng tig-PHP500,000.
Ang ikalawang pair na nabunot ay may tig-PHP250,000, habang ang ikatlo ay may tig-PHP100,000.
Thirty PagIBIGfluencers at kanilang plus ones din ang nanalo ng consolation prizes na tig-PHP10,000.
Read: NTC to totally shut down analog TV service
PAG-IBIG’S MPL LOAN-TO-WIN RAFFLE PROMO MECHANICS AND PRIZES
Kalahok naman sa MPL Loan-to-Win Raffle Promo ang eligible members na nag-avail ng Pag-IBIG Multi-Purpose Loan, isang short-term cash loan para sa medical expenses, education, small business capital, and household needs.
Sa ilalim ng naturang promo, ang borrowers ay nagkaroon ng one raffle entry for every approved MPL.
May additional entries para sa loans na ini-apply via online sa pamamagitan ng Virtual Pag-IBIG, first-time MPL borrowers and loans amounting to more than PHP50,000.
Twenty-four winners ang nabunot para sa MPL Loan-to-Win Grand Draw.
Apat sa mga ito ang nakatanggap ng tig-PHP50,000; apat na tig-PHP40,000 at 16 na tig-PHP30,000.
Nanalo naman ang 80 MPL borrowers ng tig-PHP10,000 bilang consolation prizes.
Ang detalye ng listahan ng winners at kung paano make-claim ang premyo ay naka-post sa Pag-IBIG Fund website at sa official Facebook page ng ahensiya.