Itinalaga ni President Ferdinand R. Marcos Jr. si former Philippine National Police (PNP) Chief Nicolas Torre III bilang general manager ng Metropolitan Manila Development Authority (MMDA).
Papalitan niya si Procopio Lipana.
Inanunsiyo ito ng Malacañang ngayong Biyernes, December 19, 2025.
Ang appointment ni Torre ay kinumpirma ni Palace Press Officer Claire Castro sa media.
Read: Boss Toyo opts to auction General Torre’s boxing gloves
MMDA WELCOMES GEN. NICOLAS TORRE
Malugod na tinanggap ng MMDA ang appointment ni Torre.
Sa inilabas na statement ni MMDA Chairman Atty. Don Artes, sinabi nitong suportado nila ang desisyon ng Pangulo at tiwala sila sa dating PNP chief.
Ani Artes: "Gen. Torre is a welcome addition to the MMDA family.
“I am sure he will be a big help to the agency.
"The MMDA remains committed to continuing its mission of ensuring safe, efficient, and orderly mobility and development in Metro Manila with the appointment of Gen. Torre."
Pinasalamatan din ng MMDA Chairman si Lipana sa tatlong taon nito sa ahensiya.
Read: Atom Araullo grants security guard’s wish
GEN. NICOLAS TORRE’S SHORT-LIVED STINT AS PNP CHIEF
Bago ang kanyang appointment bilang MMDA general manager, naging hepe ng PNP si Torre.
Na-relieve siya sa puwesto noong August 2025.
Ang dahilan, tinanggihan niya ang direktiba ng National Police Commission na baguhin ang reassignment ng senior police officials.
Isang career police officer, kilala si Torre sa kanyang extensive operational experience, command background, at pagbibigay-diin sa pagreporma sa law enforcement and public safety.
Read: SSS offers emergency loan amounting to PHP20K
WHO IS GEN. NICOLAS TORRE?
Si General Nicolas Torre III ang namuno sa paghuli kay dating Pangulong Rodrigo Duterte noong March 11, 2025, sa bisa ng warrant of arrest na inihain ng International Criminal Court (ICC).
Dahil dito, siya ay binansagang “The Most Hated Man in the Philippines” ng mga tagasuporta ni Duterte.
Kaarawan ni Torre noong mismong araw na inaresto niya ang dating Pangulo.
Ipinanganak siya noong March 11, 1970 sa Jolo, Sulu.
Nagtapos siya sa Philippine National Police (PNP) Academy noong 1993.
Matapos ito ay naging provincial director siya ng Samar Provincial Police Office hanggang sa simula ng 2019.
Noong January 2019, inilipat siya sa National Capital Region Police Office (NCRPO) bilang regional director for operations.
August 2022, naging director siya ng Quezon City Police District (QCPD).
Naging director siya ng Criminal Investigation and Detection Group (CIDG) noong September 2024.
Read: DOTr: GCash payments now accepted at EDSA Busway
GEN. NICOLAS TORRE WAS TASKED TO CATCH APOLLO QUIBOLOY
Noong June 2024, lumipat si Torre sa Police Regional Office sa Davao Region para maging acting regional director nito.
Dito ay ibinigay sa kanya ang isa sa pinakamahirap niyang trabaho—ang paghuli sa religious leader na si Apollo Quiboloy, na noon ay may warrant of arrest dahil sa kasong sexual misconduct.
August 24, 2024, pinamunuan ni Torre ang pag-aresto kay Quiboloy, na nagtatago sa 30-ektaryang compound na malapit sa Davao International Airport.
Kasama ni Torre ang humigit-kumulang 2,000 pulis mula sa Regions XI, XII, at XII ng PNP.
Naging marahas umano ang police operation, dahil na rin sa pagpoprotesta at pagmamatigas ng mga miyembro ng Kingdom of Jesus Christ (KOJC), ang religious group ni Quiboloy.
May isang KOJC member na namatay dahil sa atake sa puso. May mga nasaktan din dahil sa tear gas.
Dahil umano sa karahasang ito ay pinigilan ni ex-President Duterte, na kaibigan ni Quiboloy, ang paghahanap sa inaakusahang pastor.
Sa kabila nito, nagtagumpay pa rin si General Torre sa paghahanap sa nagtatagong religious leader.
Noong September 8 ay inanunsiyo ng PNP na nahuli na si Quiboloy at dinala na sa Camp Crame sa Quezon City.
Read: Pinoy conjoined twins to undergo separation surgery in Saudi