May mga dapat tandaan sa recent announcement ng Land Transportation Office (LTO) tungkol sa digital driver’s license o e-driver’s license.
Kapag hindi dala ang physical driver’s license, at nagsagawa ng inspection o sinita dahil sa traffic violation, puwede nang ipakita sa enforcer ang e-driver's license na maa-access sa Land Transportation Management System (LTMS) website o kaya ay sa eGov app.
But wait, there’s more.
Ipinapaalalang hindi maaaring screenshot lamang ng e-driver's license ang ipapakita.
Kailangang i-access daw mismo ang LTMS website sa harap ng enforcer.
“Bubuksan po nila iyon sa harapan ng traffic enforcer at dapat po i-honor ng ating mga enforcers, pati mga deputized enforcers, iyong ating e-digital license,” ani Assistant Secretary at LTO Chief Mark Lacanilao sa ABS-CBN News interview.
Read: E-trikes, e-bikes now banned on Metro Manila's major highways
PENALTY CAN BE PAID VIA ONLINE
Una na ring ipinag-utos ng Department of Transportation (DOTr) sa LTO na bawal kumpiskahin ng enforcers ang physical driver’s license kapag nakagawa ng traffic violation.
Ito ay habang inaayos pa ng LTO ang sistema nito for traffic enforcement.
Paliwanag ni Land Transportation Secretary Giovanni Lopez: “Di naman kailangan talaga ang confiscation ng actual physical driver’s license…
“For the simple reason, kung ako, for example, dala-dala ko e-driver’s license ko, ipinakita ko sa cellphone through LTMS portal, ano’ng kukuhanin niyo? Yung cellphone ko?”
Lumalabas na 2022 pa nung ipag-utos ng Department of Interior and Local Government na bawal kumpiskahin ng traffic enforcers ang driver’s license ng traffic violators, dahil ang LTO lamang ang puwedeng gumawa nito kapag kinakailangan.
Nangangahulugan ding hindi na magsasayang pa ng oras para sa pagkuha ng temporary driver’s license o kaya ay balikan at mabawi ang lisensiya.
Pero paalala, kahit na hindi na kailangang i-confiscate ang physical driver’s license ay naka-flag pa rin ito, paliwanag naman ng kongresista na si Attorney Chel Diokno sa kanyang TikTok video.
Kaya mainam na ma-settle agad ang iyong multa o penalty.
Ang kagandahan naman sa digital system na ito, hindi na kinakailangan pang magsadya sa LTO para magbayad agad.
Connected na kasi sa e-wallet at credit card ang LTMS website.
Convenient ito lalo sa mga nasa malalayong lugar o nasa probinsya.
Sabi ni Lacanilao: “For example, sila po ay taga-Mindanao o taga-Visayas, nag-travel sila sa Metro Manila at dito sila nahuli. [Pagkauwi] puwede nilang bayaran doon sa Visayas or Mindanao. Hindi po nila kailangang pumunta dito sa Metro Manila.”
Mayroon namang mas mahabang oras para ayusin ang nagawang traffic violation. May itinakdang 15 working days (hindi 15 calendar days) para maasikaso ito.
Kailangang maayos ito sa itinalagang period dahil kapag nabigong gawin ito ay automatic suspension o revocation ng lisensiya na agad, paalala ni Diokno.
Read: What happens when a driver's license is revoked?
WHAT IF YOU FORGET YOUR PASSWORD?
Sa pagre-register sa LTMS website kapag magre-renew ng bagong lisensya, kinakailangan ang iyong e-mail address.
Pero paano kung nakalimutan mo ang iyong password?
May paraan para ma-access ang LTMS portal.
Kapag nakapasok na sa main portal, i-type lamang ang iyong ni-register na e-mail address o ang iyong LTO client number.
I-click ang “Forgot password.”
Makakatanggap ng e-mail mula sa LTO na may link para mai-reset ang iyong password sa LTMS portal.