Sinu-sino ang pasok sa four-day work week na sinimulang ipatupad ng pamahalaan nitong Lunes, March 9, 2026?
Anu-anong mga industriya ang exempted?
At ano pa ang ibang options sa work set-up na ito?
Ipinapatupad na ngayon ang mandate ng Malacañang na temporary four-day work week para makatipid sa consumption ng petrolyo sanhi ng nakaambang patuloy na pagtaas nito.
Applicable ito sa executive branches, tulad ng government-owned at controlled corporations, local government units, constitutional bodies, state universities at colleges, ulat ng GMA Integrated News.
Hindi naman sakop ng panandaliang compressed work week ang emergency and disaster response personnel gaya ng mga kapulisan, firefighters, nurses, at mga opisinang nagbibigay ng frontline services sa publiko.
Pero ganito rin ba ang set-up ng private companies?
Read: Marissa Fajardo once worked as labandera-yaya, now a teacher
DOLE LAYS OUT OPTIONS FOR FLEXI WORK SETUP
Binanggit ng Department of Labor and Employment (DOLE) ang mga options para sa private companies.
Nariyan ang rotation, hybrid set-up, at work-from-home arrangement.
Ang importante raw ay sang-ayon dito ang kumpanya at ang mga empleyado.
Sabi ng isang DOLE official, may nakahanda ng polisiya ang mga pribadong kumpanya pagdating sa mga alternative options sa pagtatrabaho.
“Matagal na po na mayroon tayong policy framework para po sa adoption ng alternative work arrangement and flexible work arrangement,” ani Attorney Alvin Curada, director ng Bureau of Working Conditions sa DOLE.
Taong 2019 nang mabigyang-bisa ang Telecommuting Law o ang Republic Act 11165, na nagbibigay ng kapangyarihan sa private employers para mag-offer ng voluntary work-from-home arrangements sa mga manggagawang may tamang sahod at benefits.
“Ang una pong option ay yung i-e-extend mo yung oras ng trabaho beyond eight hours, basta hindi po sila mag-exceed sa normal work week,” sabi ni Curada.
“The other option ay 8-5 pa rin yung trabaho nila Monday to Thursday, halimbawa, and then yung Friday, hybrid naman.”
May reaksiyon naman ang Employers’ Confederation of the Philippines o ECOP.
Dapat daw ikunsidera ang kaligtasan at productivity ng mga empleyado at ang kakayahan ng mga kumpanya sa ganitong work arrangements.
“Well, puwedeng pag-aralan iyan, kaya lang hindi puwedeng gawing cumpolsary,” hayag ni Sergio Ortiz-Luis Jr., ang vice chairperson ng ECOP.
Read: New Kamuning footbridge, EDSA Busway now open to the public