Mas magiging mabilis na para sa mga nagpepensiyon sa Social Security System (SSS) ang kanilang Annual Confirmation of Pensioners (ACOP) requirement dahil sa inilunsad na liveness check ng ahensiya.
Ibig sabihin nito, hindi na kailangang magsadya pa ng pensioners sa SSS branches para sa kanilang required ACOP upang tuloy-tuloy nilang matanggap ang kanilang pensiyon.
Inilunsad ng SSS ang facial authentication process nitong March 12, 2026.
Gumagamit ang ahensiya ng biometric liveness checks para matukoy via online ang identity ng pensioners, ani SSS President and Chief Executive Officer Robert Joseph M. de Claro.
“This makes compliance easier, faster, and more secure, ensuring uninterrupted pension payments,” saad ni de Claro.
Available ang initiative na ito para sa mga active retirement at survivorship pensioners na rehistrado sa National ID System o ang Philippine Identification System (PhilSys).
Heto ang listahan ng mga pensioners na makikinabang sa facial authentication process:
- Retirement pensioners edad 80 pataas at naninirahan sa Pilipinas
- Retirement pensioners na naninirahan abroad
- Survivorship (death) pensioners
Dagdag ni de Claro, hindi na kailangan ng pensioners na mag-log in sa My.SSS.
Kailangan lamang nilang bumisita sa www.sss.gov.ph, at makikita na nila ang ACOP icon.
Pipindutin lamang nila ang icon at madaling masusundan para sa facial scan at biometric verification process gamit ang camera-enabled device, sa pamamagitan ng Philippine Statistics Authority’s (PSA) National ID eVerify system.
“The verification process takes less than a minute and immediately updates SSS records while confirming that a live person is present, preventing fraudulent activity,” ani de Claro.
“No travel. No hassle. Just quick, secure verification from home,” sabi ng SSS president ukol sa online registration para sa ACOP.
Kapag wala namang compatible devices ang pensioners, puwede silang magsadya sa SSS branches para humingi ng assistance.
Dagdag niya pa, ang traditional na paraan tulad ng in-person visits o schedule video appointments ay patuloy na magiging available.
Read: Saving through alkansiya: What are the pros and cons?
WHAT IS ACOP?
Ang ACOP Program ay ang taunang pagre-report ng pensioners sa SSS para masiguradong patuloy nilang makuha ang kanilang monthly pensions.
Nakasaad ito sa Republic Act No. 11199 o ang Social Security Act of 2018, kunsaan ang pensioners ay “subject to their continuing eligibility to the said benefit.”