Limang microcredential courses na related sa semiconductor industry ang sinimulang i-offer ng University of the Philippines Open University (OPOU) ngayong Mayo 2026.
Ang bawat kurso, na “designed for real career pathways," ay kayang tapusin sa loob ng isang buwan.
Asynchronous din ang mga klase. Ibig sabihin, hawak ng estudyante ang kanyang oras sa pag-aaral sa loob ng apat na linggong time frame.
Ayon sa UPOU post, industry experts ang magtuturo.
Narito ang limang microcredential courses ng UPOU:
- Introduction to Semiconductor Manufacturing;
- AI and Smart Manufacturing;
- Global Career, Entrepreneurship and Cross-Cultural Communication;
- Semiconductor Materials Physics (Foundation); and
- Industrial Electronics (Foundation)
Sakop ng semiconductor industry ang pagdidisenyo at paglikha ng microchips para mapagana ang modern electronics.
Parte ng paliwanag ng UPOU ukol sa microcredentials: "The increasing demand for shorter, more adaptable learner-centered education and learning methods resulted in the emphasis on acquiring skills linked to artificial intelligence, cloud computing, big data analytics, and blockchain."
Hangad din nitong matugunan ang tumataas na demand sa highly-skilled professionals sa high-tech manufacturing.
Layon ng programa na "aligned with global standards" ang kaalaman ng mga Pilipino ukol sa semiconductor industry.
Target nito ang mga "students, working professionals, career shifters, and Overseas Filipino Workers (OFWs).”
Pero bukas ang programa sa sinumang nais matuto “with no formal prerequisites required.”
Ang registration fee sa bawat kurso ay PHP1,850 para sa Filipino students at $168 (PHP10,374) sa foreign students.
Read: How to get tuition-free college degree via UP Open University
COLLABORATION BETWEEN UPOU AND TAIWAN
Ang short courses ay in-endorso ng Faculty of Information and Communication Studies (FICS) ng UPOU.
Ang inisyatibang ito ay bahagi ng Transnational Industry-Academia Integration Model on Semiconductors, na kolaborasyon ng Pilipinas at Taiwan, “that seeks to bridge innovation ecosystems and expand workforce capabilities.”
Kinikilala ang Taiwan bilang “global leader in semiconductor manufacturing.”
Ganito inilarawan ang programa: “Proposed four-stage semiconductor talent pathway that links academic learning to industry immersion.
“Participants may progress from online coursework to hands-on training, with potential pathways to international internships and employment opportunities.”
Kapag nakumpleto ang napiling kurso, ang mga estudyante ay makakatanggap ng certificate at digital badge.
Sa mga interesadong mag-enroll, maaaring mag-e-mail sa fics@upou.edu.ph, mag-follow sa official Facebook pages ng UPOU at FICS para sa updates, o mag-enroll sa https://url.upou.edu.ph/ficsmc-reg.
Read: Step-by-step guide: filing for birth certificate correction