Hindi ka naka-graduate sa college pero working ka na.
Gayunpaman, nangangarap ka pa ring makakuha ng college diploma.
Posible pa ba ito o pangarap na lamang?
Ang work experience mo ay puwede mong i-convert into academic units para makakuha ka pa rin ng college diploma.
Noong March 2025, naisabatas ang Expanded Tertiary Education Equivalency and Accreditation Program (ETEEAP) Act, kunsaan ang work experience ay maki-credit as units sa college.
Sakali namang kulangin pa ng units para matapos ang degree, puwedeng kunin ang additional subjects sa pamamagitan ng online school tuwing gabi at weekends.
Read: Aira Brigola: Blind graduate who passed psychology board exam
WORK EXPERIENCE TO COLLEGE DEGREE
“This is important because your work will be evaluated and credited as units in your degree program, ani Dr. J. Prospero de Vera III, chairman ng Commission on Higher Education (CHED) sa 24 Oras interview noong 2025.
“Once they apply, they should already bring with the certificates of their work experience, etcetera.”
Ayon pa sa ulat, may executive order na ukol sa programang ito mula pa noong 1996.
Umabot na rin sa 41, 286 ang mga nakapagtapos at nakinabang mula 1999 hanggang 2024.
Sa kasalukuyan, mayroong higit 100 accredited schools para sa mga gustong mag-avail ng ETEEAP Act.
Tinatawag ang mga schools na ito bilang Deputized Higher Education Institutions o DHEI.
Matatagpuan ang mga paaralaang ito sa iba’t ibang rehiyon ng Pilipinas.
Makikita ang kumpletong listahan ng accredited schools sa ETEEAP website. (Click here.)
QUALIFICATIONS
Sa mga gustong mag-avail ng ETEEAP Act, narito ang mga sumusunod na qualifications:
- Filipino citizen
- Age 23 and above
- High school graduate
- At least five years of accumulated work experience sa industry na related sa desired degree
REQUIREMENTS
Inisa-isa ni Attorney Chel Diokno ang ETEEAP Act requirements sa kanyang video:
- Certificate of Proficiency issued by the government regulatory board
- Certificate of Proficiency issued by the employer(s)
- Certificate of Proficiency issued by a licensed practitioner in the field
- Assessment/evaluation from accredited university
Para sa karagdagang impormasyon, maaaring makipag-ugnayan sa CHED.
Narito ang mga information details ng CHED.
Address: Higher Education Development Center (HEDC) Building, C.P. Garcia Avenue, UP Campus, Diliman, Quezon City, Philippines
Public Assistance and Complaints Desk (PACD): (02) 8441-1260
CHED Hotline: 0999-4445-996
Email: info@ched.gov.ph
Official Website: ched.gov.ph
Read: Tips: How to register and avail of PhilHealth YAKAP Benefits