Inilunsad ng gobyerno ang libreng sakay sa Love Bus para sa mga pasahero sa Metro Manila noong September 13, 2025.
Isinagawa ito sa Valenzuela Gateway Complex, Valenzuela City.
Ang programa ay ipinapatupad ng Global Electric Transport, katuwang ang Department of Transportation.
Mag-o-operate ito sa buong Metro Manila, kung saan ang libreng sakay ay tatagal hanggang September 30.
Read: DOH to exclude "kamote riders" from zero-balance billing policy
LOVE BUS OFFERS FREE RIDES TO SENIOR CITIZENS AND PWDS ANYTIME; REGULAR COMMUTERS DURING PEAK HOURS
Pagsapit ng October 2025, ang electric Love Buses ay patuloy na magkakaloob ng libreng sakay para sa lahat ng Persons With Disabilities (PWDs) and senior citizens anumang oras.
Ang mga odinaryong pasahero ay libre naman tuwing peak hours simula 6:00 A.M. hanggang 9:00 A.M. at 5:00 P.M. hanggang 8:00 P.M.
Ang bawat bus ay may seating capacity na 20 pasaherong nakaupo.
Ang standing room ay kayang mag-accommodate ng 10 pasahero.
May nakalaan ding espasyo para sa mga naka-wheelchair.
Mayroon din itong ramps at iba pang accessibility features para sa senior citizens at PWDs upang hindi sila mahirapang sumakay at bumaba.
Makikinabang naman ang lahat ng nakasakay sa naka-install na CCTV, television screens, at full aircon.
Ang operasyon ng Love Bus ay araw-araw mula 5:00 A.M. hanggang 10:00 P.M.
Read: 10 Philippine companies make it to World's Best Companies 2025
COMMUTERS MUST REGISTER Thru LOVE BUS MOBILE APP
Para ma-access ang services ng Love Bus, ang mga pasahero ay kailangang mag-download at mag-register sa Love Bus mobile app, na available sa Android.
Para sa iPhone users, i-check kung available na sa Apple App Store, dahil ayon sa the Presidential Communications Office, ire-release na rin ito ngayong linggo.
Bawat ruta ng Love Bus ay may tiglilimang units.
- Valenzuela Gate Complex (VGC) Terminal to DSWD
- Batasan Hills Loop
- VGC Terminal to Parañaque Integrated Terminal Exchange (PITX).
Ayon sa DOTr, nasa 600 passengers per route ang makikinabang sa Love Bus.
Plano ring palawakin ang Love Bus free ride sa iba pang lugar sa bansa.
Una itong inilunsad ng ahensiya noong August 2025 sa Cebu at Davao City.