JERRY OLEA
Pinagkaguluhan nang husto sa red carpet ng Sine Sandaan sina Nora Aunor, Coco Martin, Kathryn Padilla, Daniel Padilla, Alden Richards, Piolo Pascual, Angel Locsin at ang Movie Queen of the New Generation na si Bea Alonzo.
Ginanap ang centennial celebration ng local cinema nitong Setyembre 12, Huwebes, sa New Frontier Theater, Cubao, Quezon City.
Sa lobby ng theater ay nakipag-chikahan si Bea kay Ricky Lee, ang guro niya sa ongoing scriptwriting workshop tuwing Linggo.
“Pinagkukuwentuhan lang po namin iyong pelikulang Moral [1982],” sabi ni Bea sa kapwa luminary na si Mario Dumaual.
Ipinagmamalaki ni Ricky Lee si Bea.
Napangiti nang matamis ang aktres, “Yes! My gosh! Nahiya ako. I don’t know what to say...
"Para sa akin, ahhmm... malaking tulong na nakakapunta ako sa workshop.
“There are things na hindi ko talaga alam about our industry na nagiging knowledgable ako because of him.”
Bakas sa mukha ni Bea ang kasiyahan na mapabilang sa Sine Sandaan.
Aniya, “Talagang masayang-masaya ako, and I’m very humbled to have been invited here, and to be one of the luminaries.
"Kasi, ito talagang industriyang ito, mahal na mahal ko.
“Mataas ang respeto ko sa mga tao na nasa industriyang ito. So, iyon lang. Masayang-masaya ako na we are celebrating!”
Ka-bonding ni Bea sa Sine Sandaan ang kaibigang si Angel Locsin, at ang fiancé nitong si Neil Arce.
Nakasama ni Bea sa mga pinarangalang “Leading Lady ng Sentenaryo” sina Claudine Barretto, Angel Locsin, Snooky Serna, Vina Morales, Jodi Sta. Maria, Anne Curtis, at Kim Chiu.
GORGY RULA
Isa si Bea sa pinakamagandang rumampa sa red carpet ng Sine Sandaan kagabi.
Ewan kung may nangahas na magtanong sa kanya tungkol sa isyu nila ni Gerald Anderson.
Gusto na niyang manahimik sa gulong ito.
Pero ang pinakaaabangan pa ay ang ABS-CBN Ball sa Shangri-La at The Fort, BGC, Taguig City, bukas, September 14.
Paano kung magkakasalubong sila roon nina Gerald Anderson at Julia Barretto?
NOEL FERRER
Dala-dala ni Bea Alonzo ang ganyang kagandahan sa pagrampa niya sa ABS-CBN Ball na first time niyang gagawing mag-isa.
Seven years with Zanjoe Marudo at three years with Gerald ang paglabas niya sa Star Magic Ball na simula last year ay ginawang ABS-CBN Ball.
Basta, good luck, Bea! Shine on!!!