NOEL FERRER
Dumating at umalis agad ang star noong 1980s hanggang 1990s na si Edgar Mande.
Kasama ni Edgar ang kanyang lady love na si Ramona Fabie at pumunta sila ng Boracay.
I was supposed to have an interview with him.
Kaso, umalis na sila pa-Hong Kong nitong Nobyembre 5, Martes ng umaga, bago tumuloy pauwi sa U.S. kung saan lagi ko silang nakikita kapag nasa Los Angeles kami ni Tito Alfie Lorenzo dati.
Bago umalis si Edgar, nakasama niya ang kanyang mga kapanabayan na sina Lito Pimentel, Ronnie Ricketts, at Bembol Roco sa isang salu-salo sa Podium.
Ipinangako ni Edgar na matutuloy ang aming interbyuhan pagbalik niya sa May 2020 dahil sa napipinto nilang kasal ng kanyang kasintahan ngayon.
Mga, Ka-Troika, ano ang pagkakaalala ninyo kay Edgar Mande?
JERRY OLEA
Friends kami ni Edgar sa Facebook kaya nasubaybayan ko ang posts niya sa pagbabakasyon nila ng kanyang love love love, na merong pa-hashtag na #MandeToBeTogether.
Marami siyang nagawang movies kabilang ang Kirot (1983) na launching movie ni Stella Strada, Uhaw sa Pag-ibig (1984) with Claudia Zobel & Lito Pinentel, Iiyak Ka Rin (1983) with Julie Vega & Leni Santos, Galawgaw (1982) with Maricel Soriano & William Martinez, at Gabi Kung Sumikat Ang Araw (1983) with Gina Alajar, Charito Solis & Sandy Andolong.
Nawa’y matuloy ang in depth interview mo sa kanya, Sir Noel. Marami siyang maibabahaging anekdota!
GORGY RULA
Noong kapanahunan ng mga dating alaga ni Tito Alfie Lorenzo, si Edgar ang isa sa may pinakamagandang mukha.
Puwedeng-puwede pa siya ngayon sa character roles o major support gaya ng mga project na ibinibigay sa kasabayan niyang si Lito Pimentel.
Active na active pa rin si Lito, pati ang isa pang kasabayan nilang si Rey “PJ” Abellana. Kaya puwedeng-puwede pa siyang makabalik at mabigyan ng magagandang project.