JERRY OLEA
Maling akala! Saliwang haka-haka!
Ipinagdiinan ng aming source na magpu-full run na 16 weeks ang Kapuso afternoon series na Madrasta, na pinagbibidahan nina Arra San Agustin at Juancho Trivino.
“Sa mga nagkakalat na titigbakin ang Madrasta bago pa magsimbang-gabi... Quiboloy!” bulalas ng aming source.
“Bongga ang commercial load ng Madrasta. Siksik, liglig, hitik na hitik, nag-uumapaw.
“Iyong nakakapanginig na sampalan nina Gladys Reyes at Thea Tolentino, appetizer pa lang iyan!
"Mas matitinding confrontations ang matutunghayan sa mga susunod na linggo, habang paigting nang paigting ang mga kaganapan!”
Tumpak na pak na pak na nagkasagutan si Juancho at ang direktor ng teledrama na si Monti Parungao sa eksenang may rain effect.
Nagkapaliwanagan na sila nang mahinahon, kaya mabuti sigurong huwag na nating dalirutin iyon.
Iyong mga sumasawsaw na baluktot ang kaalaman sa pangyayari... Quiboloy!
Basta, antabayanan po natin ang mga susunod na kabanata!
NOEL FERRER
E, di wow! So, established BIDA na talaga si Arra San Agustin?
Antabayanan natin kung ano at kailan ang susunod niyang project para patunayan kung bida stature siya o bida-bida!
GORGY RULA
Iyon ang huling nasagap kong kuwento. Patatawarin pa raw talaga hanggang next year ang lahat na mga drama series, lalo na sa panghapon dahil magaganda ang ratings ng mga ito.
Yung Madrasta lang ang medyo hirap sa kalaban, kaya dapat mas matindi pa ang mga eksenang gagawin nila.
Alam niyo naman ang panghapon, dapat matitindi ang mga eksenang yayanigin ang mga natutulog na diwa.
Komiks na komiks at minsan OA na ang mga sampalan, sabunutan, habulan, at kung anu-anong kadramahan para patuloy na susubaybayan.