GORGY RULA
Ipinagkibit-balikat lamang ni Lovi Poe ang deklarasyon ng ex-boyfriend niyang si Rocco Nacino na ayaw na muna nitong makatrabaho ang aktres sa mga susunod na projects.
Ang title kasi ng pelikulang ipinu-promote ngayon ni Lovi ay Hindi Tayo Puwede, na magsu-showing na sa March 4, kaya natanong ang aktres kung meron ba siyang dating nakarelasyon o nakatrabaho na hindi niya puwedeng makasama sa isang project.
Wala naman daw, sabi ni Lovi.
Kaya kahit sinasabi ni Rocco na ayaw na muna siyang makatrabaho nito, deadma na lang ang aktres.
Kung si Lovi kasi ang tatanungin, walang problema sa kanya kung makasama niya uli ang dating boyfriend.
“Ako, I’m okay to work with him.
“But if he says that he’s not okay to work with me, it’s okay.
“It’s not really a problem. We get to work with different actors,” pahayag ng Kapuso actress nang naka-lunch ng ilang miyembro ng movie press nitong February 29, Sabado, sa The Frazzled Cook, Quezon City.
Nakarating sa kanya ang sinabing iyon ni Rocco, at hindi siya nasaktan.
“I’m super deadma about it,” pakli ni Lovi.
Nirerespeto niya kung ano ang nararamdaman ni Rocco.
Para sa kanya, hindi bad breakup ang nangyari sa paghihiwalay nila.
Sabi ni Lovi, “I wouldn’t call it bad. From my point of view.
"I guess things happened and some people probably just see things differently you know.
"We moved on differently."
NOEL FERRER
Prerogative ng tao kung sino ang gusto niyang maktrabaho o hindi.
Although maliit lang ang ating industriya, kaya magtatagpo at magtatagpo pa rin ang landas nina Rocco at Lovi in one way or the other.
Oh well, I hope both of them are in happy places na lang, para maayos lahat, di ba?
JERRY OLEA
Hindi kawalan kay Lovi si Rocco. Marami pa siyang puwedeng makatrabaho.
Sa Sinag Maynila 2020 (Marso 17-24) filmfest entry niyang Latay, ka-partner ni Lovi ang multi-awarded na si Allen Dizon.
Sa pelikulang Malaya, na nag-shooting sa Italy, love interest niya si Zanjoe Marudo.
Sa Hindi Tayo Puwede na magso-showing sa Marso 4, Miyerkules, leading men niya sina Tony Labrusca at Marco Gumabao.
Male breakout star of 2018 si Tony dahil sa digital movie nila ni Angel Aquino na Glorious.
Si Marco naman ang male breakout star last year dahil sa sensational movie nila ni Anne Curtis na Just A Stranger.
Premiere night ng Hindi Tayo Puwede sa Marso 3, Martes, sa SM Megamall Cinema 1.
Idinirek ito ni Joel Lamangan, mula sa panulat ni Ricky Lee.