GORGY RULA
Malungkot si Senator Bong Revilla na hindi siya nakasama sa munting salu-salo ng pamilya para ipagdiwang ang 32nd birthday ng anak na si Cavite Vice Governor Jolo Revilla nitong Marso 15, Linggo.
Kasalukuyan pa ring naka-voluntary quarantine si Bong.
Seatmate ni Bong sa Senado si Senator Sherwin Gatchalian, na una nang nag-self quarantine dahil direkta itong nakihalubilo sa Senate hearing sa isang resource person na nag-COVID-19 positive.
Ayaw sabihin ni Bong kung saan siya tumutuloy ngayon, pero ilang araw pa raw siya bago makalabas.
“Kailangan, e. Ang dami naman naming senador na kailangang mag-voluntary quarantine, e.
“Pero hinihintay lang namin si Sherwin na maging okay.
"At kapag negative naman siya, safe na kaming lahat,” pahayag ni Senator Bong.
Sabi naman ni Jolo, ngayon pa lang siya nag-birthday na hindi kasama ang papa niya.
Hindi na rin sila lumabas dahil sa bahay na lang sila nagluto, at kailangan din daw nilang mag-monitor sa COVID-19 situation sa Cavite.
Happy birthday kay Jolo, at congratulations na rin sa pagkahirang sa kanya bilang Chairman ng National Movement of Young Legislators (NMYL)!
NOEL FERRER
Ibang klase talaga! Lifestyle change ngayong may community quarantine.
Since taong-gobyerno rin si Jolo, maiintindihan niya ang health security ng tatay at pamilya niya.
Happy birthday Jolo!
Aside from DOH Secretary Francisco Duque, si Undersecretary Maria Rosario Vergeire ang gustung-gusto kong mapakinggan dahil sa kanilang informative at kalmadong mga eksplanasyon.
Yung iba, nakakadagdag lang talaga sa ingay!
JERRY OLEA
Parang sirang plaka na ako sa pagsasabing, “Better safe than sorry.”
Unang araw pa lang ito ng community quarantine sa NCR.
Kailangang magsakripisyo tayo. Lahat tayo, tiis-tiis!
Iba talaga ang kasalan, wedding anniversary, at birthday celebration sa panahon ng Covid-19!