JERRY OLEA
“...I’m healthy with no symptoms, nasa bahay lang doing self-quarantine.”
Ito ang pahayag ni Sam Milby sa kanyang Instagram account nitong Marso 28, Sabado ng gabi.
Co-stars sina Sam at Iza Calzado sa forthcoming Kapamilya teleserye na Ang Sa Iyo Ay Akin, na nagtatampok din kina Jodi Sta. Maria, Lito Pimentel, Albie Casiño, at Maricel Soriano.
Dahil positive and COVID-19 test result ni Iza, marami ang nag-alala sa kalusugan ng aktor.
Hiniling ni Sam sa kanyang IG followers na isama si Iza sa pang-araw-araw na panalangin.
Ang post pa ni Sam, “Let’s keep praying for Iza, and for everyone na nagtest positive, their families who are anxious too...”
Umamot din si Sam ng dasal para sa health workers at iba pang frontliners na itinataya ang kanilang kaligtasan at buhay para sa ating lahat.
NOEL FERRER
Salamat kay Sam sa pag-engganyo ng dasal para kay Iza, ang aking alaga. Much appreciated coming from Iza’s co-star.
GORGY RULA
Bukod sa contact tracing na ginagawa kapag may nag-positive sa COVID-19, dapat yatang simulan na rin ang tracing sa mga nagkakalat ng kung anu-anong tsismis na ini-involve ang ibang tao.
Kagaya nitong kay Sam, aware na rin pala siya na isa siya sa pinagdududahang nahawaan.
Iyan ang isang virus na ang hirap talagang maapula—ang virus ng fake news!