JERRY OLEA
Streaming ang part two ng Buong Puso Para Sa Pilipino: The No-Contact Online Show ngayong Marso 29, Linggo, 12:00 noon, sa Facebook, Twitter, and YouTube accounts ng GMA Network.
Kagaya last Sunday, tampok dito ang “the best” ng All-Out Sundays.
Paanyaya ng GMA: “Magkaisa at magtulungan tayo, mga Kapuso!
“From our homes, let us reconnect, stay informed, and be entertained. Help us raise funds for those who are greatly affected by the current crisis.”
Sa ASAP Natin ‘To ngayong Linggo, 11:45 a.m., sa ABS-CBN, kaabang-abang ang heartwarming performances ng Kapamilya stars from their homes via Zoom.
Sasaluduhan nina Martin Nievera at Sarah Geronimo ang ating frontliners, at may duet muli si Sarah at ang mister niyang si Matteo Guidicelli.
Aawitin ni Martin ang “Buhay Mo, Buhay Ko.”
Maghahatid din ng pag-ibig sa pagsasalo sa musika ang Kapamilya couples na sina Moira dela Torre at Jason Marvin Hernandez, Yeng Constantino at Yan Asuncion, and KZ Tandingan at TJ Monterde.
Nakaka-good vibes ang Tiktok bonding ni Kim Chiu with sister Lakam and niece Raine, ganoon din ang TikTok bonding ni Sunshine Cruz with daughters Chesca, Sam and Angelina.
May fam jam sina Jayda, Dingdong Avanzado, at Jessa Zaragoza, at may collab ang mag-amang Ogie and Leila Alcasid.
Hahataw sa "Corona Ba-Bye Na" dance craze ang SethDrea (Seth Fedelin and Andrea Brillantes) at KyCine (Kyle Echarri and Francine Diaz).
Kasama pa sina Chunsa Jung, Xia Vigor, AC Bonifacio, Sheena Belarmino, Krystal Brimner, Ken San Jose, Joao Constancia, at Jeremy Glinoga.
May natatanging performance ang Megastar na si Sharon Cuneta, at magpupugay ang Divine Diva na si Zsa Zsa Padilla kay Kenny Rogers.
Pag-asa at inspirasyon ang hatid ng collaborations nina Darren Espanto at Iñigo Pascual, Erik Santos at Jed Madela, Regine Velasquez at Villancico Vocal Ensemble, at ng mga biriterang sina Morrisette Amon, Angeline Quinto, Jona, at Klarisse de Guzman.
Magpe-premiere ang music video ng “Ililigtas Ka Niya,” tampok ang sandamukal na Kapamilya. Kabilang diyan sina Gary Valenciano, Lea Salonga, Regine Velasquez, Ogie Alcasid, Toni Gonzaga, Martin Nievera, at Piolo Pascual.
NOEL FERRER
Tuluy-tuloy ang pagbo-broadcast from home ng mga programa, and the ratings have spiked dahil nasa bahay ang mga tao. Dito makikita ang pagle-level up ng mga teknolohiya—na puwede palang mag-LIVE mula sa mga tahanan—nang maayos pa rin ang production value.
Now we see the artist as is, where is... mas raw, mas spontaneous, mas ok!
Hindi na kailangan ng stylists or makeup artists o ang parang department store na pagpipilian na damit, sapatos, at accessories. Talent lang. Istorya lang. Authentic self lang. Pinasimple ng COVID-19 ang buhay natin.
GORGY RULA
May pinaghahandaan raw mamaya sa online show ng GMA-7 ang magkasintahang Dennis Trillo at Jennylyn Mercado.
May pa-exercise naman si Kris Bernal, at abangan din natin kung ano ang pasabog ni Ai-Ai de las Alas.
Mamayang gabi naman sa Daig Kayo ng Lola Ko ay back-to-back ang kuwento ng "The Adventures of Laura Patola and Duwen-ding" at "Sa Ilalim ng Buwan."
Simula na rin bukas, March 30, mapapanood sa hapon ang mga nag-hit na GMA Telebabad na Onanay ni Nora Aunor, pagkatapos ng Ika-6 na Utos. Susundan ito ng Alyas Robin Hood ni Dingdong Dantes.
I-enjoy natin ang mga throwback drama series na sinubaybayan natin noon!