JERRY OLEA
"Mga dubbers, sound mixers ng teleserye, audio-post production, utility, sound recordists, OB van drivers, truck drivers, lahat ito ay nasa loob ng industriya natin."
Ito ang sinabi ni Liza Diño, ang chairperson at CEO ng Film Development Council of the Philippines, sa nagsulputang freelancers ng TV-movie industry na umaamot ng ayuda.
Meron kasing DEAR (Disaster/Emergency Assistance and Relief) program ng Film Development Council of the Philippines.
"Kailangang maghanap pa ng funding, grabe. Nagsulputan lahat ng freelancers ng industry," pasakalye ni Chair Liza nang maka-chat namin nitong Marso 29, Linggo, via Facebook Messenger.
"Ang nakakalungkot, lahat sila ay freelancers, kahit iyong iba ay nagtatrabaho sa tv networks.
"May freelancers na PHP1,000 per day. May nakita ako, PHP750 a day, equivalent to more than 16 hours of work dahil alam mo naman ang oras ng industriya natin, kakaiba."
No work, no pay ang freelancers sa audio-visual industry.
Hindi sila empleyado. Hindi sila kabilang sa mabibigyan ng tulong ng Department of Labor and Employment (DOLE).
Sa first wave ng DEAR program, 2,000 freelance workers ng TV-movie industry ang pagkakalooban ng PHP8,000 bawa’t isa.
Sa kabuuan ay PHP16M iyan.
"Almost 2,000 na ang applicants. But iyong verified, nasa 50 as of Friday," lahad ni FDCP Chair Liza.
"Next week, magja-jump iyan to 800 because we are also dealing with service companies. Mga suppliers kung saan nagtratrabaho iyong freelancers. Wala sila sa payroll pero nasa listahan sila ng workers.
"We encourage ‘through company’ application. May extra step lang. Kasi, dapat legit at SEC-registered ang company.”
=68.ARCPsiDi-Xre1Zk_KkWG7_sr3qIT9mTWhgdh9mS85gGm2anDvOOJ-gdbk94W_LWyPJHpHCTuHOdDoo_JNi0IblLtKQRjAVXePEyO8mR3uM6zB1YT_Rkwx4brA7IMVJLtJnC3Eb2aFnT0RyJ3mWQMbcWmchIUEuStaliZrh7VtosUDPuvBwm_2eProFVRdf5cs6TVFWaFTa6Fbc36UfIhRnMTFVZAhGD-tx-6idHB1tE8hKyiYTYijnAUKRwxubEyu6fYgQjJqQuAn9MzxrV2b7VdVd0vBmYngEdkNpdS4U4sJhmxi-ui7qgOx39HxqQiJMxdc9OCdT5HQYeEnxjMbAc]Bukas, Marso 30, ang release ng unang batch ng mabibigyan ng ayuda ng DEAR program.
"Mga 50 workers na may PHP8K. Yung iba, PHP5K muna, kasi, hindi kumpleto ang requirements,” pagbabalita ni Chair Liza.
"Pag nakumpleto ang requirements, ibibigay iyung kulang na P3K. They have to prove they lost work. At least 5 days out of 1 month.
"May pino-process na kami this coming week for 600 workers.”
May budget na para sa first wave ng DEAR program.
"Right now, we have PHP20M. Ang target naming matulungan ay 50,000 workers. Kaya kailangan namin ng PHP400M. Waaah!” sabi ni Chair Liza.
"Wish me luck. Ang dami kong nilapitan for funding. Haha. Bigla akong naging writer ng Maalaala Mo Kaya. Ang mga sulat ko, nakakaiyak. Haha."
Ang pag-a-apply sa DEAR Program for Freelance AV Workers ay nag-umpisa noong Marso 23, at magtatapos sa Abril 23.
GORGY RULA
Bukas din ay ilulunsad ni Madam Liza Diño-Seguerra ang DEAR Press.
Dagdag itong financial assistance sa displaced freelance entertainment press workers.
Sabi ni Chair Liza, malaki ang tulong ng showbiz media sa entertainment industry, kaya maliit na tulong lang daw ito sa kanila, na ang iba ay hindi na nakapagsulat dahil natigil na rin sa pag-print ang mga diyaryong sinusulatan nila.
Ang iba kasing diyaryo ay nag-online na lang muna.
Hindi ito kagaya ng DEAR program niya sa filmworkers na kailangang patunayan mo pang meron kang naudlot na trabaho gawa ng enhanced community quarantine.
"Dito sa DEAR Press, hindi na ninyo kailangang gawin iyun. Basta kailangan lang ninyong ipakita that you are an active member of the industry," pahayag ni Chair Liza nang mainterbyu ko sa DZRH nitong Marso 28, Sabado ng gabi.
"May requirements tayo na you have to send us a link or copy ng mga sinulat ninyong articles for the industry, 'tapos press ID, saka proof of income, at saka certificate of engagement ninyo with the news or publication kung saan kayo nagsusulat.
"Konting tulong lang po ito para sa inyo. It’s a PHP5,000 financial assistance na ibibigay namin sa inyo.
"Meron din po kami na kung nakapag-attend kayo sa kahit isang event ng FDCP. Mas madali naming ma-check sa database namin. Kasi iyun ang hinihingi sa akin ng COA."
Bukas, 10:00 a.m., ipo-post ng FDCP sa Facebook page nito ang application forms ng DEAR Press program.
For inquiries, contact the FDCP National Registry at dearnationalregistry@fdcp.ph with the subject: [INQUIRY] DEAR NR (Topic). For more information, visit the FDCP website and the FDCP National Registry Facebook page.
NOEL FERRER
Naa-appreciate mo tuloy ang mga tao na nangungumusta at tumitingin sa kapakanan mo ngayong panahon ng pagsubok. Salamat sa lahat ng mga tumutulong. Saludo kami sa inyo!