GORGY RULA
Na-dethrone ang kasalukuyang Miss Eco International 2019 na si Suheyn Cipriani ng Peru dahil nagdadalantao ito.
Nakumpirma ito ng PEP Troika sa franchise holder ng Miss World-Philippines na si Arnold Vegafria.
Kaya swak na swak dito ang sikat na linyang ginagamit sa mga beauty competition na, “In the event that the title holder fails to fulfill her responsibilities, the first runner-up will take her place eklavu eklavu...”
Ang first-runner up sa naturang timpalak ay si Maureen Montagne ng Pilipinas.
Tapos na ang reign ni Maureen bilang Miss World-Eco International 2019.
Nang nakausap ng PEP Troika si Arnold, sinabi niyang wala pang desisyon kung ipuputong kay Maureen ang korona ng Miss Eco-International 2019.
Isa kasi si Maureen sa mga kandidata sa Bibibining Pilipinas ngayong taon.
Kahit nag-announce na rin ang Binibining Pilipinas Charities, Inc. na hindi muna itutuloy ang Binibining Pilipinas 2020, kailangan munang magpaalam ng Miss Eco organizers bago ilipat kay Maureen ang korona.
Sabi pa ni Arnold, sakaling mailipat ang korona kay Maureen, automatic na siya na rin ang ambassador ng United Nations for Eco-Tourism.
As of today, May 27, tuloy pa rin daw ang Miss Eco International 2020 sa Egypt na nakatakda sa August.
Si Kelley Day ang ating kandidata na lalaban sa kumpetisyon.
Kaya kung sakali, hanggang August pa isusuot ni Maureen ang Miss Eco International crown.
JERRY OLEA
Ang Miss Eco International 2018 ay ang kinatawan nating si Cynthia “Thia” Thomalla, na naging co-star ni Alden Richards sa Kapuso teleseryeng The Gift.
Kung mailipat na ang korona ng Miss Eco International 2019 kay Maureen Montagne, aba, back-to-back ang Pilipinas sa timpalak na ito!
Dagdag-pressure tuloy kay Kelley Day kung keri niyang maging back-to-back-to-back ang panalo rito ng ating bansa, di ba?!
Siyanga pala, naka-quarantine ngayon si Maureen sa Siargao.
NOEL FERRER
Postponed indefinitely ang Binibining Pilipinas 2020, kung saan candidate No. 11 ang 26-anyos na si Maureen.
Kailangang hanapan ng relevance ang mga ganitong timpalak sa panahon ng pandemya.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)