JERRY OLEA
Na-shookt AF ang Gameboys fans sa Zoom interview ni Menchu Macapagal ng CNN Philippines kina Kokoy de Santos at Elijah Canlas nitong Hulyo 5, Linggo ng gabi.
Generic ang mga tanong ni Menchu, at safe ang mga sagot ng EliKoy (portmanteau ng Elijah at Kokoy).
Natigalgal ang Gameboys fans sa intro ni Menchu sa dalawa bilang "Kokoy de Santos at Elijah Santos."
Sa extro, inulit iyon ni Menchu, kaya nabaliw at nahibang at nagbunyi ang masusugid na sumusubaybay sa love story ng CaiReel (blending ng Cairo at Gavreel, na pangalan ng mga karakter nila sa first Pinoy BL series).
Trending topics sa Twitter ang “Elijah Santos” at “#ELIKOYonCNNPhilippines.”
Sa inilabas na clip ng CNN Philippines, wala na iyong intro at thank you sa dulo ng panayam. Pero na-save iyon ng listong fans at nai-share sa Twitter.
Itong kolokoy na si Kokoy, inasar ang "baby" niyang si Elijah at nag-tweet agad-agad:
“Narinig niyo po mismo, LIVE sa CNN. Official na ‘Elijah Santos.’ Kami na!!! Chareng! Thanks for watching Guys! Love you all!! Stay safe [with red heart emoj]"
Si Elijah Canlas, ang username sa Twitter ay ginawang “Not Elijah Santos,” at tila sungit-sungitan sa reaksiyong tweet: “Luh.”
Kilig-kiligan ang Elijah Nation, Kolokoys, at EliKoys!
Naghimutok si Elijah sa Facebook, “Elijah Santos? Kasal na pala tayo Kokoy De Santos. 'Di ko nabalitaan.”
Pag-alo ni Kokoy, “Bakit nila sinabi agad. Okay lang yan. [with smiling emoji]”
Hirit ng certain LJ Royo, “ELIKOY IS REAL!” Na sinundan niya agad ng, “From CaiReel to CaiReal! [with five lovestruck emojis]”
Sa PEP Live nina Elijah at Kokoy ngayong Hulyo 6, Lunes, 6:00 P.M., sa Facebook page ng PEP, uuriratin ng PEPster na si Jimpy Anarcon ang “bagong kasal” na sina “Mr. & Mr. Canlas-de Santos”!
Best wishes!
NOEL FERRER
Katulad ng AlDub, ang CaiReel ay naganap sa tamang panahon.
Actually nga, kung puwede lang, makisuyo ka kay Jimpy ng "PEP Live" ng questions na puwedeng sagutin ng most loved BL lockdown loveteam:
Justice League or Avengers?
Ilan na ang naging ex mo?
Dahan-dahan o mabilis?
On your wedding day (kung ikakasal man), what do you prefer to wear—tuxedo or barong Tagalog?
Saan ninyo bet mag-honeymoon—Baguio City or Boracay?
Mas gusto ninyong flavor ng ice cream—strawberry or chocolate?
Fresh milk or buko juice?
Baby blue or baby pink?
Yes or No—naghihilik ka ba kapag natutulog?
Lights on or lights off?
"Hanggang" by Wency Cornejo or "Walang Hanggang Paalam" by Joey Ayala?
Naniniwala ka ba sa forever?
Elijah at Kokoy... pakisagot naman mula sa inyong mga Tito Troika!!!
GORGY RULA
Nagkamali lang naman ng tawag si Menchu Macapagal ng CNN Philippines dahil hindi siguro siya familiar sa Gameboys at sa mga bida nito.
Tapos, sinakyan na ngayon at ginawan na ng isyung kasal-kasal na ‘yan?!
Napakabata pa nila para pasukin nila iyan. Hayaan na muna sa pakilig-kilig silang dalawa dahil marami pang puwedeng gawin sa kuwento ng Gameboys.
Hindi ako naniniwalang may kasalang magaganap.
May mga nagtatanong na sa akin kung sinu-sino pa sa cutie actors ang bagay pagtambalin sa mga susunod pang BL series.
Ito lang kasi ang puwedeng gawin sa ngayon, habang naghihintay pa tayo sa mga susunod na gagawin ng ilang movie productions at TV networks.
Bilang magiging active uli ang TV5, matutuloy kaya this month ang premiere ng BL series nilang My Extra Ordinary?
JERRY OLEA
Menchu-to-Menchu Wedding?!
Sa gay lingo, ang ibig sabihin ng “menchu” ay “lalaki.”
Obviously, derived from “men.” Synonymous with mhin, menthol, menchang, and the likes.
Halimbawa, “Ang yummy ng bagong menchu ni Mommy Kimmy!”
Kaya naniniwala ako, itinadhana na si Menchu Macapagal ang “magkasal” kina Elijah at Kokoy.
Noong kasagsagan ng kalyeseryeng AlDub, andami-daming fan art na tampok sina Alden at Yaya Dub, maging sina Lola Nidora, Lola Tidora, at Lola Tinidora.
Ganoon din sa Pinoy BL series na Gameboys ngayon.
Bidang-bida sa mga fan art at meme sina Cairo at Gavreel, maging sina Pearl at Terrence.
Iyong Anti-Terrorism Bill, nasakyan pa.
Sabi sa isang meme na may picture ni Kyle Velino, “Just in! Anti Terrence Bill has been signed.”
Si Terrence kasi ang sagabal sa love story nina Cairo (Elijah) at Gavreel (Kokoy).
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika