GORGY RULA
Pumutok na ang tsikang hiwalay na sina Derek Ramsay at Andrea Torres.
Marami ang nakapansing nawala na ang litrato nila sa IG posts ni Andrea at hindi na rin pina-follow ng Kapuso actress ang hunk actor.
Kaagad kong tinext sina Derek at Andrea kung totoo ang bali-balita. Pero wala silang sagot.
Ilan sa napagtanungan kong ayaw magpakilala, sinabing totoong break na raw sila. Pero ayaw raw magsalita ni Andrea tungkol dito.
Isa rin ang nagsabing baka may nadiskubre raw ang isa sa kanila na ikinagulat nito. Nabanggit daw ni Derek sa isang kaibigang nagkakalabuan na sila ni Andrea.
Pero ilan sa mga nakakilala sa kanila nang lubusan ay hangad pa ring magkaayos at magkabalikan sila.
Nakakapanghinayang daw kasi ang kanilang relasyon dahil naging close na rin ang kani-kanyang pamilya.
Sana nga, magkabalikan.
NOEL FERRER
Nagulat ako sa mga kaibigang wala sa ating industriya na nakakaalam at nagtatanong ng mga detalye tungkol sa tsikang ito.
Well, it seems like iisa lang ang sinasabi nila: THEY REALLY ARE NOT ON THE SAME PAGE.
Sayang lang becaue we know that they tried, they really tried!!!
JERRY OLEA
Nagulat ako nang mapabalitang isa si Andrea sa tatlong aktres na gaganap bilang asawa ni Ishmael (karakter ni Dennis Trillo) sa Kapuso teledrama na Legal Wives.
Bakit pinalitan ni Andrea si Megan Young sa cast? Ang dalawa pang aktres doon ay sina Alice Dixson at Bianca Umali.
Paano na ang TV series na Sanggang Dikit na pagtatambalan sana nina Andrea at Derek? Sanggang Wasak na?
Uy! Magkatabi pa sina Derek at Andrea sa Christmas station ID ng GMA-7 na ini-launch kanina sa 24 Oras.
Hopia, asado at expectorant pa naman tayo na malapit nang maging legal wife ni Derek si Andrea!
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika