GORGY RULA
Ngayon lang nagsalita si Derek Ramsay pagkatapos ng breakup nila ni Andrea Torres.
Pinagbigyan ni Derek ang kaibigan niyang si Morly Alinio sa programa nito sa DZRH noong Linggo, December 13 ng gabi.
Hindi nila pinag-usapan ang tungkol sa hiwalayan kundi ang pagmu-move on pagkatapos ng breakup nila ni Andrea.
Nagugulat si Derek dahil may inili-link sa kanyang wala naman daw katotohanan. Kaya kung anu-anong bashing na ang inaabot niya sa social media.
“May nagpa-picture sa akin, yung girl na… she’s a fitness enthusiast, super sexy, oo. Humingi siya ng picture, umoo ako. Ngayon, girlfriend ko na daw,” bulalas ni Derek.
“Parang nakakainsulto din kasi, di ba?
“Ako, very proud ako sa pamilya ko, 'tapos ginaganun-ganun nila. It reflects who my family is… kung paano nila ako pinalaki.
“For them to talk about me like that… alam mo… ano, artista tayo, it comes with the territory.
"Pero alam mo, tao rin kami. Masakit na kung anu-ano na lang ang pwedeng sabihin,” dagdag niyang pahayag.
Sa Zoom interview sa kanya ni Morly sa DZRH, ipinakilala ni Derek ang maganda niyang pamangkin. Anak daw yun ng sister ng aktor na kasama niya sa bahay.
Baka mapagkamalan na naman daw kasing girlfriend niya ang magandang pamangkin. Pati si Pops Fernandez ay pilit ding ini-link sa kanya.
Sabi niya, “Actually, nabuntis ko na nga ang buong Pilipinas, e, parang ganun na nga, e. Makikita na lang siguro natin in nine months.
"At sana naman, ang mga bashers, after nine months na makita nila na hindi totoo yung mga sinabi nila, mag-sorry na lang sila, sana.”
JERRY OLEA
Ayon kay Derek, nasa moving-on stage pa lang siya ngayon.
“Mahirap to move on especially kapag sobrang ang laki ng in-invest mo… alam naman natin lahat iyan,” pahayag ng aktor.
“Sobrang vocal ako sa nararamdaman ko. Pero things didn’t work out and it’s sad.
"It doesn’t mean na I will go just like that. Hindi ganun, e.
“My friends, my family, they keep me strong and they keep me positive.
"So ako, tsini-cherish ko na lang yung good times na nangyari, and we have to move on.
“It’s taking a lot of time for me because, you know, that relationship was very different from all the others.
"Pero you know… you have to move on."
NOEL FERRER
Magandang itanong kung bakit hindi nagwo-work out ang inaasahan sanang magiging forever mo.
Oh well, iba’t ibang paraan naman talaga ang pakikipagbuno sa buhay pag-ibig!
Sana lang, makahanap si Derek (at si Andrea) ng taong mapaninindigan habambuhay.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika