JERRY OLEA
“Together As One” ang battlecry ng ABS-CBN sa 2021 sa paghahatid ng liwanag at ligaya sa mga Pilipino saanman sa mundo.
Noong Disyembre 20, Linggo, ay anim na oras ang pre-shows sa Kumu, iWant TFC, at KTX bago ipinalabas ang Christmas pasiklab ng mga Kapamilya—mula alas dose ng tanghali hanggang 7:00 p.m.
Halos limang oras naman ang Ikaw Ang Liwanag at Ligaya: The ABS-CBN Christmas Special 2020 umpisa 7:30 p.m.
Napanood ito nang sabay-sabay sa buong mundo sa iba-ibang media platforms tulad ng Kapamilya Channel, Kapamilya Online Live, iWantTFC, KTX, A2Z Channel 11, at TFC.
Ipinakita ng Kapamilya network ang mga aabangang bagong palabas, pelikula, musika, at concerts na ilalabas sa sari-saring platform next year.
Mapapanood ang highlights ng ABS-CBN Christmas Special pre-shows at main show sa website ng ABS-CBN Entertainment, maging sa Facebook at YouTube account nito, at sa iWant TFC.
Handog naman ng GMA Network ang The Clash Christmas Special: Pasko Para sa Lahat sa Disyembre 25, Biyernes ng gabi, pagkatapos ng 24 Oras.
Siyempre, aabangan natin ang payanig ng Power Cebuana Diva na si Jessica Villarubin bilang ikatlong grand champion ng The Clash.
Nasungkit ng 24 anyos na singer mula San Fernando, Cebu ang titulo matapos ang kanyang pagkanta ng "Habang May Buhay laban" sa Belter Babe ng Makati na si Jennie Gabriel.
Magpapakitang-gilas din sa Christmas special sina Golden Cañedo at Jeremiah Tiangco, na nagkampeon sa unang dalawang season ng The Clash.
Makikisaya sa The Clash Christmas Special ang The Clash Masters na sina Julie Anne San Jose at Rayver Cruz, Journey Hosts na sina Rita Daniela at Ken Chan, pati na rin ang Clash Panel na sina Pops Fernandez, Christian Bautista, at Ai-Ai delas Alas.
May ambag din sa Christmas special sina Season 1 finalists Garrett Bolden, Anthony Rosaldo, XOXO, Season 2 finalist Nef Medina, at ilang pang finalists mula sa kakatapos na ikatlong season.
GORGY RULA
Hindi aabutin ng apat o limang oras ang The Clash Christmas Special: Pasko Para sa Lahat! sa Disyembre 25, Biyernes.
Sa Biyernes ng 9:15 p.m., mapapanood ang finale ng Descendants of the Sun nina Dingdong Dantes at Jennylyn Mercado.
Teka! Mapapanood ba natin si Lani Misalucha sa The Clash Christmas Special? Abangan!!!
NOEL FERRER
Napanood ko yung sa ABS-CBN. Maayos naman. Mahaba lang.
Pero kita mo ang effort, at pinagkagastusan.
Sayang, I expected more from GMA, really! I know, with their franchise, and their resources now, they can do better.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika