JERRY OLEA
Naka-3.7M views na sa Facebook page ng ABS-CBN ang video clip ng eksena sa teleseryeng Init Sa Magdamag kung saan naka-white brief si Gerald Anderson sa harap ni Yam Concepcion.
Magpapaalab ang Init Sa Magdamag umpisa Abril 19, Lunes ng gabi, sa TV5, A2Z, at Kapamilya Channel.
Nitong Abril 15, Huwebes ng tanghali, ibinalandra naman ng isang clothing brand sa Facebook, Twitter, at Instagram ang litrato ni Derrick Monasterio na naka-white brief.
Sa IG account niya ay nag-post si Derrick ng ibang litrato na naka-Bench brief siya.
Ang caption niya, "Best part of being a [underwear brand] model is having UNLIMITED UNDERWEAR!
"Seriously though been wearing them since I was in highschool and it’s an honor to represent this brand."
Matapos ang limang oras na i-post iyon ni Derrick sa IG ay mahigit 38K na ang nag-like.
Nag-comment pa si Sanya Lopez ng raging flames emojis at text na nagsasabing, "Oy ohhhhh."
Si Derrick ay regular Celebrity Spotter sa Catch Me Out Philippines, na palabas tuwing Sabado ng gabi sa GMA-7.
Si Markki Stroem naman, nagwo-work out nang naka-underwear sa Tiktok at Facebook.
Sa Patreon, mas mapangahas ang posts ni Markki para sa kanyang subscribers.
NOEL FERRER
Bagay na bagay si Derrick Monasterio sa ganitong pa-underwear.
Kasi, siya mismo ang nagsasabi na gifted child siya! Game!
Sana makatulong sa kanya ito para magkainteres muli sa kanya ang mga tao.
Sayang... Ang tanong ko, bakit ba hindi siya pinag-sexy nang ganito sa launching film niyang Wild and Free with Sanya Lopez noong 2018? Nadagdagan sana ang mga nanood ng pelikula.
Pero does Derrick have a paying crowd?
We’ll see... depende kung ano ang output! The next time, I hope it will be worth it!!!
GORGY RULA
Ang dami nang tindahan sa malls ang nagsara.
I'm sure, hindi maitatanggi ng clothing brand na iniendorso ni Derrick na apektado rin sila ng pandemyang ito.
Pero nakatutuwang nandiyan pa rin ang sikat na Pinoy clothing brand, at nandiyan pa rin ang karamihan ng endorsers nila.
Narinig ko kasing may ilan silang endorsers na hindi na nila na-renew ang kontrata.
Keri ni Derrick na manatiling mag-endorse ng underwear brand sa angking kakisigan niya.
Ang dami na ngang nag-react sa ganda ng katawan niya at lalo pang gumuwapo.
Mabigyan sana si Derrick ng magandang project para ma-improve lalo ang kanyang pag-arte.