GORGY RULA
Nagkaroon ng pagkakataong mag-bonding sina Lovi Poe at Ruby Rodriguez sa Los Angeles, California noong nandoon pa sa Amerika si Lovi.
Si Ruby ang gumanap na ina ni Lovi sa nagtapos nang Kapuso primetime series na Owe My Love, at napag-usapan nilang magkikita sila sa Amerika.
Kuwento ni Lovi, “Ever since, alam ko lagi siyang nasa-States.
"When I was there, never kami nagkaroon ng chance na magkita. Pero after doing our show sa Owe My Love, sabi namin, when we’re both there, we promised na magkikita kaming dalawa.
“So, mahirap yung schedule because she’s been working there and medyo magkaiba ang schedule naming dalawa. But we found time and spent lunch together.
“It was just nice, kasi parang nag-continuation lang kami ng Owe My Love, pero sana with everyone…
"Pero yun nga, at least yung friendship, tuluy-tuloy pa rin kahit tapos na yung Owe My Love.
“So, nagkita kami. We had lunch. Next time magkikita pa kami the moment I fly back.”
Nakatsikahan namin si Lovi noong Linggo, July 11, para sa promo ng pelikula niya sa Viva na The Other Wife.
May balak si Lovi na bumalik ng Amerika, pagkatapos ng commitments niya rito. Kaya balak niyang makipag-bonding uli kay Ruby pagbalik niya roon.
Inuuna muna ngayon ni Lovi ang promo ng The Other Wife dahil sa July 16 na ang streaming nito sa Vivamax, KTX, iWant TFC, at TFC IPTV.
Nasa Ilocos pa siya ngayon dahil sinu-shoot naman niya ang pelikula nila ni Carlo Aquino para sa Regal Entertainment. Excited din siya rito dahil sa kanya ang concept ng kuwento ng pelikula.
JERRY OLEA
Kapuso pa rin ba si Lovi Poe? Bakit kaya hindi siya makapagbigay ng diretsong sagot diyan?
Kahit Kapuso na sina Bea Alonzo, Beauty Gonzalez, at Pokwang, hindi basta-basta maiitsapwera ang husay ni Lovi. Sa edad niyang 32 anyos, marami pang pwedeng gampanan si Lovi.
Sana, ma-promote nang husto ang bago niyang pelikula at huwag itong magmukhang pito-pito.
Sunud-sunod kasi ang releases ng Viva—Kaka (Mayo 28), Ang Babaeng Walang Pakiramdam (Hunyo 11), Sana All (Hunyo 18), Gluta (Hulyo 2), Silab (Hulyo 9), The Other Wife (Hulyo 16), Nerisa (Hulyo 30), Revirginized (Agosto 6), Ikaw at Ako at ang Ending (Agosto 13).
Nagkakasapawan ang mga ito sa promo. Naka-cannibalize nila ang isa’t isa.
E, ang dami pang kaabang-abang na bagong palabas sa Netflix, gaya ng My Amanda (Hulyo 15) nina Alessandra de Rossi at Piolo Pascual.
Kapana-panabik ang iWantTFC original series na “My Sunset Girl,” na mapapanood sa buong mundo simula Hulyo 14, Miyerkules ng 8:00 p.m. Bida rito si Charlie Dizon—best actress sa MMFF 2020 at 4th Eddys para sa Fan Girl.
Charlie Dizon and Jameson Blake
Mapapanood si Charlie sa serye bilang si Ciara, isang masayahing dalagang gustong matupad ang mga pangarap niya sa buhay sa kabila ng kanyang malubhang sakit.
Ipinanganak siyang may xeroderma pigmentosum, isang kondisyong maaaring pumatay sa kanya kapag naarawan siya nang matagal. Dahil dito, pinagbabawalang lumabas ng bahay si Ciara at puro sa internet lamang siya nakakahanap ng mga kaibigan.
Co-stars dito ni Charlie sina Jameson Blake, Mylene Dizon, at ang leading man ni Lovi sa The Other Wife na si Joem Bascon.
Sa Hulyo 23, mag-i-streaming ang launching film ni Paolo Gumabao na Lockdown sa KTX, Upstream, RAD, at WeTV.
Sa direksiyon ni Joel Lamangan, matapang at makabuluhan ang pelikulang ito.
Sean de Guzman and Paolo Gumabao in Lockdown
Maliban kay Paolo, nagbuyangyang din dito ng kani-kanyang private part sina Sean de Guzman, Kristian Allene, Neil Suarez, Dincent Lujero, at Jeff Carpio.
Bongga ang special screening ng Lockdown noong Hulyo 3, Sabado sa Sine Pop, St. Mary St., Cubao, Quezon City, kung saan dumalo sina QC Mayor Joy Belmonte at FDCP Chair Liza Diño-Seguerra.
Sa Hulyo 30 naman ang KTX screening ng Gameboys The Movie nina Elijah Canlas at Kokoy de Santos.
Pasabog ang collection ng Gameboys posters na pagpupugay sa Top Gun, Brokeback Mountain, The Notebook, Ghost, Grease, La La Land, Pretty Woman, The Bodyguard, Titanic, at Dirty Dancing!
NOEL FERRER
Sa hinaba-haba man ng usap-usapan, sa Kapuso pa rin uuwi si Lovi. Marahil, ongoing pa ang negosasyon.
By all means, it is understandable na igiit niya ang kanyang pangunguna sa teritoryo bago pa man sumalta sa GMA ang mga Kapamilya.
Abangers na lang tayo!