Pumirma si John Lloyd Cruz ng partnership agreement sa GMA Network ngayong Nobyembre 9, Martes, para sa gagawin niyang Kapuso program.
“Maraming salamat sa pagbibigay ng tahanan sa aming munting pamilya at programa,” lahad ni John Lloyd.
“Napakalaking bagay ho na nakahanap kami ng tahanan sa GMA. Sa lahat ng mga nagpaabot ng pagbati… sana talaga lahat tayo ay mabigyan ng pagkakataon na magkatrabaho.
“Kung may time kayo sana madalaw ninyo kami sa aming programa. Iwe-welcome namin kayo sa aming munting pamilya.”
Full support ang Kapuso executives kay John Lloyd via via Zoom, video messages, at pagdalo sa EDSA Shangri-La Hotel.
Masayang pahayag ni GMA Chairman and CEO Atty. Felipe L. Gozon, “John Lloyd is one of the most sought-after actors of his generation. That's why I'm very happy he chose to partner with GMA for his TV comeback.
“I'm sure all our Kapuso viewers are excited to watch and support you as you begin a new season in your life. May we continue to work on more projects in the future.”
Nangako si Direk Edgar “Bobot” Mortiz na gagawin niya ang kanyang best para sa GMA-7.
Sabi ni Direk Bobot, “Nais ko lang magpasalamat sa GMA management. Nagpapasalamat yung buong team namin na binigyan niyo kami ng opportunity na makagawa ng programa dito.
“We will do our best na makagawa ng isang magandang programa para sa GMA.”
Si Direk Bobot ang direktor at line producer ng Wacky Solutions, Inc.
Saad ng manager ni John Lloyd na si Rambo Nuñez ng Crown Artist Management, “The management is excited in many ways because this is a first between JLC, CAM, and GMA.
“Just the idea of putting together a project that his fans have been waiting for is something that is really worth anticipating.
“We are looking forward to a fruitful relationship and help each other produce quality projects together.”
Siyempre pa, kasama sa buong pusong nag-welcome kay John Lloyd sina GMAAC consultant Johnny Manahan, Executive VP and CFO Felipe S. Yalong, at GMA Network Films Inc. President and Programming Consultant to the Chairman and CEO Atty. Annette Gozon-Valdes.
Sabi ni CFO Felipe S. Yalong, “We're very grateful that John Lloyd is making his much-awaited comeback through GMA. No doubt, this partnership will open more opportunities for us to collaborate in the years to come.
“I wish you all the best in your career and congratulations!”
Lahad ni Atty. Annette Gozon-Valdes, “I'm delighted that John Lloyd will be working with us and not just as the lead actor of his show, but also as part of the creative team.
“We are excited to see more of what he can bring to the table off-cam. These are indeed exciting times for us.”
Present din sa contract signing sina Senior VP for GMA Entertainment Group Lilybeth G. Rasonable, First VP for Program Management Jose Mari Abacan, First VP for Drama Productions Redgie A. Magno, First VP and Head of Regional TV and Synergy Oliver B. Amoroso, First VP and Head of International Operations Joseph T. Francia, First VP for Legal Affairs Atty. Lynn P. Delfin, First Vice President for Sales and Marketing Riza D. Garduque, VP for Corporate Affairs and Communications Angela Javier Cruz, Senior Assistant VP for Alternative Productions Gigi Santiago-Lara, Senior Assistant VP for Drama Cheryl Ching-Sy, GMAAC Assistant VP and Head for Talent Imaging and Marketing Unit Simoun S. Ferrer, at Assistant VP for Program Management Mitzi Garcia.
Siyanga pala, totoo bang isang kilalang direktor ng Kapamilya Channel ang nasa Kapuso Network na rin ngayon?
Siya raw ang magdidirek ng drama series ng isang mestisang Kapuso actress?!
So, mukhang blocktimer arrangement ang pinirmahang contract ni Lloydie lalo pa’t sina Annette Gozon-Valdes at Joey Abacan ang punong-abala sa naturang contract signing.
Nabalitaan natin sa isang post sa meeting ng nasabing sitcom, kasama sa show ni Lloydie si Carmi Martin at ibang nakilala sa Kapamilya channel na mag-oober da bakod with and for Lloydie, tulad nina Miles Ocampo, Jason Gainza, at Janus del Prado.
Good luck sa programa ni JLC sa Kapuso network!
Isa ako sa naka-miss sa kanya at mag-aabang ng kanyang TV at movie projects.
All the best sa pinakamahusay na aktor ng kanyang henerasyon at ng dekada, ayon sa Manunuri.