JERRY OLEA
Pak na pak! Masabaw ang drag-themed drama comedy series na My Delivery Gurl, na ipalalabas umpisa Enero 1, 2022, Sabado, sa Cignal Play.
Kuwento ito ng isang pamilya sa Kamaynilaan na nag-relocate sa Baguio City dahil sa recession. Hindi sila nakabayad kay Madam Judith, kaya pinutulan sila ng kuryente.
Ang ilaw at haligi ng kanilang tahanan ay ang 32-anyos na si Bingo Duran aka Bianca D (Markki Stroem).
Tatlo ang kanyang mga anak, na pawang ampon niya—ang nagmamagandang bading na si Dyosa (Pipay Kipay), ang transman na si Joey Silver (Sky Teotico), at ang pogilicious pero may putok at dyutay na si Raver (EJ Panganiban).
Magiging bahagi rin ng kanilang pamilya ang landlady nilang si Lola Vi (Madeleine Nicolas).
Dalawa ang nagpakislot sa pusong marupok ni Bianca, ang kababata niyang si Jakoy (Rocky Salumbides) at ang boss niyang si Sam (Victor Basa).
"May pa-love triangle actually!" bulalas ni Markki sa virtual mediacon nitong Disyembre 29, Miyerkules ng hapon.
"Yung isa, nainlab sa karakter ko na si Bingo, yung masculine version ko. And yung isa, nainlab naman sa feminine version which is Bianca D.
"Panoorin ninyo kung sino ang magiging Prince Charming ko sa dulo ng series na ‘to. Or I don’t know, baka silang dalawa. Who knows what will happen?
"So, abangan niyo na lang! Panoorin niyo na lang yung series. Sobrang ganda nito!"
Sa pagiging delivery gurl, nagamit ni Bianca ang kanyang Poise, Uniqueness, Knowledge, and Energy. Naisipan tuloy ni Sam na mag-level up sa paghahatid ng Peace, Entertainment, and Naturally Inspiring Special deliveries.
"Three to five personalities ang ginagawa ko for each taping day. Minsan, Madonna. Minsan, Beyonce. Minsan, Julia Roberts," pakli ni Markki.
Aling persona ang mas na-enjoy niya, ang borta na si Bingo o ang very fem si Bianca? Kanino siya mas naka-identify?
"Actually, both are fem. Bingo is very fem. Bianca, is well, the drag persona,” pagtutuwid ni Markki.
"Yung medyo borta talaga is sa isang series, yung sa Love At The End Of The World. Ahhm, na-enjoy ko lahat. To be honest, there’s not one that I don’t enjoy more than the other. Yung isa, a little bit darker, a little bit more glum.
"Sabi nga ni Direk, sa first taping day namin, medyo naging dark ako. Paano iko-convert yung darker me into Bianca fabulousity?!
"But in the end of the day, 'yan ang trabaho ko for the past eleven years. I’ve been an actor, which is something that we need to understand, too.
"That’s why I decided to really grow with each of these roles. And that’s why I cut off my hair, so that I could go back to being Markki.
"Kasi, minsan as a method actor, nata-trap din ako minsan sa mga character ko. I play a lot of characters. Minsan, bine-burn ko pa yung script. Inaano ko pa yung mga gamit ng mga karakter ko.
"But these days, I’ve learned how to really draw as an actor—and let go!
"And that’s something that all of us need to learn as well. Let go of the past. Let go of everything that is toxic sa buhay natin.
"And proceed, and focus on what is good in the world, and what is happy in the world.
"And to be honest with you, I love all three of the characters I played in the past three months. And I will not have it any other way.
"Love ko yung tatlo, and I love being able to show my versatility! Hindi lang ako top, hindi lang ako bottom… versa ako!"
Tampok din sa My Delivery Gurl sina Iyah Mina, Lui Manansala, Allison Pineda, Brian Black, Andre Miguel, at Carlos Dala. Kasama rin sina Liya Sarmiento, Kakki Teodoro, Juliana Parizcova Segovia, EJ Jallorina, Lady Gagita, at Maria Christina.
Ito ay sa direksiyon ni Carlo Enciso Catu at iprinodyus ng Cignal Entertainment at Epic Media.
GORGY RULA
Okey lang kay Markki na ma-typecast sa LGBTQIA++ role.
"Kung pumatok ang series na ‘to, which I have a feeling it will, kasi you know… let’s put it out to the universe," lahad ni Markki.
"If ma-typecast ako, why not? I would love to carry the flag for the LGBTQIA++ population.
"We need people to talk for the community. And it’s very important that there are people who are, you know, proud to really represent the community essentially."
Nag-crossdress na before si Markki sa pelikulang Slumber Party (2012), pero dito sa My Delivery Gurl, full art form ng pagiging drag queen ang ginawa niya.
"May hip pads! May six layers of stockings! May false eyelashes, shapers, at kung anu-ano pa," paliwanag ni Markki.
"It’s a whole art firm, kasi may make-up din. Sobrang ganda ng make-up na ginawa… For now, I’m wearing my heels just to give my full fantasy, di ba?” sabay pakita ng high heels niya.
"Androgynous look, di ba? I’m also giving insight to individuals around the Philippines and around the world, na kahit lalaki ka, kahit 'bakla' ka, or lesbian ka, you can wear whatever you want to wear.
"You can wear a whole suit with heels, and that’s completely fine."
NOEL FERRER
Grabeng pinaghirapan ng grupo na gumawa ng My Delivery Gurl na naunang in-offer sa talent kong si Joross Gamboa who had to turn down the offer because of the pandemic.
Pero mukha namang maganda ang kinalabasan na worth ng ating support. Ang hirap makabawi ng mga ganitong productions pero, sana suportahan natin.