Bongbong Marcos, tumangging magpainterbyu kay Jessica Soho pero pumayag kay Boy Abunda

by PEP Troika
Jan 22, 2022
presidential interviews 2022
Haharap sa one-on-one interviews ang presidential aspirants na sina (mula kaliwa) Ping Lacson, Bongbong Marcos, Isko Moreno, Manny Pacquiao, at Leni Robredo sa mga susunod na araw upang makilatis nang mabuti ng mga botante kung sino sa kanilang ang karapat-dapat iboto sa 2022 elections.
PHOTO/S: GMA Network

JERRY OLEA

Tumangging magpainterbyu si Ferdinand Marcos Jr. o Bongong Marcos sa Kapusong si Jessica Soho, pero nagpaunlak siya sa Kapamilyang si Boy Abunda.

Inimbitahan ng GMA News and Public Affairs ang limang nangungunang presidential aspirants para sa The Jessica Soho Presidential Interviews na mapapanood ngayong Enero 22, Sabado ng 6:15 p.m., sa GMA.

Pumayag sina Ping Lacson, Isko Moreno, Manny Pacquiao, at Leni Robredo, pero umayaw si Bongbong. Isa-isang sumalang ang apat, at ang kanilang mga panayam ay pinagsama-sama.

Sa patikim ng nasabing TV special nitong Biyernes ng gabi sa 24 Oras, inurirat ni Jessica ang apat sa kanilang posisyon sa mga mahahalagang isyu ng bayan, maging sa inihahain nilang plataporma.

“Ipagpapatuloy mo ba ang war on drugs?”

“Isusulong niyo ba ang pagpapatupad ng desisyon ng International Tribunal at paano ho kaya ninyo kukumbinsihin ang China na sumunod at igalang ang desisyong ito?”

Iyan ay mga halimbawa lang ng tanong na diretsahang ibinato ng multi-awarded veteran broadcast journalist na si Jessica.

Continue reading below ↓

Hindi rin pinalampas ni Jessica ang mga partikular na kontrobersiyang ipinukol sa apat — human rights violation kay Ping, pagiging trapo kay Isko, pagiging corrupt kay Manny, at lugaw kay Leni.

jessica soho pesidential interviews

Matutunghayan naman ang The 2022 Presidential One-On-One Interviews with Boy Abunda mula Enero 24 hanggang 26 sa The Boy Abunda Talk Channel (6:00 p.m.) sa YouTube, at sa Kapamilya Channel (11:00 p.m., pagkatapos ng The World Tonight).

Continue reading below ↓

Nagbabaga ang mga talakayan sa mga isyung kinaharap ng Pilipinas kasama ang Asia's King of Talk — Ping Lacson sa Enero 24, Lunes; Bongbong Marcos sa Enero 25, Martes; Leni Robredo sa Enero 26, Miyerkules; Isko Moreno sa Enero 27, Huwebes; at Manny Pacquiao sa Enero 28, Biyernes.

bongbong marcos boy abunda interview

Continue reading below ↓

Mapapanood din ang ilan pang presidential interview special sa darating na Enero 30 at Pebrero 6, Linggo, 11:00 p.m. sa Kapamilya Channel.

NOEL FERRER

Ang kaibigan nating si Doris Jimenez ay naghahanap din kay Bongbong Marcos.

Ang sabi ni Doris, ”Almost 5 years, absent sa Oxford, absent sa drug testing, absent sa hearing, absent sa pandemic, absent sa GMA 7.

“Pero present sa birthday party, Christmas party, binyagan, caravan, karaoke at vlog ni Toni Gonzaga.”

Tayo, bilang publiko, ang may kailangan ng ganitong interviews at debates para lalo pa nating makilala ang mga kandidato. Kaya ang mga kandidato na hindi magpapaunlak nito ay walang pakialam sa tao. Hindi porke mataas ka sa surveys ay hindi ka na matitibag.

Trending ngayon ang #MarcosDuwag.

GORGY RULA

Curious ako kung ano ang itatalang rating ng The Jessica Soho Presidential Interviews.

Matagal itong na-plug, na ang buong akala namin ay kumpleto silang haharap.

Mukhang gusto nang malaman ng taumbayan kung anong klaseng kandidato ang susunod na mamumuno sa ating bansa.

Continue reading below ↓

Sana mapanood din sa free TV itong interviews ni Kuya Boy sa limang presidentiables.

O mas nakaka-excite kung magsama sila ni Jessica Soho para sa susunod na pagkikipagharap sa mga tatakbong kandidato.

Mangyayari kaya ito sa Kapuso network bago dumating ang eleksyon?

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Haharap sa one-on-one interviews ang presidential aspirants na sina (mula kaliwa) Ping Lacson, Bongbong Marcos, Isko Moreno, Manny Pacquiao, at Leni Robredo sa mga susunod na araw upang makilatis nang mabuti ng mga botante kung sino sa kanilang ang karapat-dapat iboto sa 2022 elections.
PHOTO/S: GMA Network
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results