GORGY RULA
Ikinatuwa ng televiewers ang paglalaro ni Marian Rivera sa Family Feud noong Biyernes, Mayo 6, 2022. Naka-8.2% ito na isa sa pinakamataas na rating ng sikat na game show ni Dingdong Dantes.
Kapansin-pansin namang hindi ganun kataasan ang rating ng ibang programa sa weekend. Dahil kaya sa mga nagsipagpuntahan sila sa rally ng mga Kakampink at UniTeam?
Sa primetime nung Mayo 7, Sabado, ay naka-9.1% ang 24 Oras Weekend, at 1.3% ang TV Patrol Weekend.
Ang Pepito Manaloto: Ang Unang Kuwento ay naka-10.1%, at ang katapat nitong My Papa Pi ay naka-1.2%.
Naka-11.5% naman ang finale ng Agimat ng Agila, at 1.3% ang Pinoy Big Brother.
Ang Magpakailanman ay naka-12%, at ang Maalaala Mo Kaya ay naka-1.9%.
Nung Linggo, May 8, nanatiling 4.2% ang All-Out Sundays, at ang ASAP Natin ‘To naman ay naka-2.4%.
Tumaas na naman ang FPJ Da King na naka-4.3%, at natalo nito ang GMA Blockbuster na naka-3.2%.
Naka-2.8% naman ang Raya Sirena, at 3.3% ang The Best Ka.
Ang Regal Studio Presents ay naka-2.9% naman, at 4.3% ang Amazing Earth.
Sumunod ang 24 Oras Weekend na naka-9.5%, at 1.7% ang TV Patrol.
Ang Daig Kayo ng Lola Ko ay naka-9.9%, at sumunod ang Happy ToGetHer na naka-12.5%.
Ang Kapuso Mo Jessica Soho ay naka-16.5%, at nakakagulat na lalo pang tumaas ang The Boobay and Tekla Show na naka-6.2%.
NOEL FERRER
Sa bagong administrasyon, sana’y magkaroon tayo ng mga breakthrough productions lalo na sa TV. New formats, fresh combinations, brave real talk and more.
If not, mananatiling katunggali nito ang social media na patuloy ang pag-ariba sa followers nito!
JERRY OLEA
Waging-wagi pa rin ang Kapuso programs nitong nakaraang weekend.
Base sa resulta ng halalan, pakiwari ko’y magtatagal pa ang pamamayagpag ng GMA Network.
Andami pang aabangan nating programa sa Siyete, first and foremost ang Voltes V: Legacy.