GORGY RULA
Magkakaroon ng bagong show sa SMNI News Channel ang enterpreneur at media personality na si Dr. Carl Balita na pinamagatang Entrepinoy Revolution.
Magsisimula na ito sa Mayo 27, 2022, Biyernes, 4:30 hanggang 5:30 ng hapon.
Lalong nagkainteres ang SMNI kay Dr. Carl nang sumali siya sa debate ng mga senatoriable nung nakaraang campaign period. Isa siya sa tumakbong senador sa ilalim ng partido ni Mayor Isko Moreno.
Read: Dr. Carl Balita recounts how Mayor Isko Moreno convinced his family to let him run for senator
Sa nakaraang presscon ng Entrepinoy Revolution ay ibinahagi ni Dr. Carl ang mga segment ng kanyang bagong programa, pero ipinaliwanag muna niya ang ibig sabihin ng Entrepinoy Revolution.
Aniya, “Ang Entrepinoy Revolution is a campaign na dapat magnegosyo ang mga Pilipino. Sa halip na maghanap ng trabaho, maghanap ng hanapbuhay, because these are two different things.
“Paano namin gagawin yun? Magpapakita kami ng inspirasyon na sa halagang dalawang daang piso na sinimulan ng isang negosyo, nagpapalago, naging multi-million business.
“We will get the ordinary stories by the street. Yung nakikita mong may dinadaanan mo na fishball cart na kumikita pala nang maganda. Yung gumagawa ng lipstick out of blah blah, na maganda pala ang online market. Mga ganung bagay.”
Bilang nasa showbiz naman kami, hiningan ko siya ng opinyon tungkol sa hindi pa rin umuusad na movie industry.
Nitong panahon ng pandemya ay ang industriya ng pelikulang Pilipino ang isa sa tinamaan nang husto. Pero may mga maliliit na film producers na gumagawa ng mga pelikula kahit wala pang katiyakan kung maipalalabas ba ito sa mga sinehan.
May suhestiyon diyan si Dr. Carl.
Ayon sa kanya, puwede natin simulan sa pagbubukas ng maliliit na sinehan o tinawag niyang "micro-cinema."
“Huwag ninyong kalimutan, meron akong micro-cinema na ini-launch. Yung isang classroom ko sa España, ginawa kong micro-cinema.
“I think it’s about time na buhayin natin ang micro-cinema as well. Small is the new big,” diin ni Dr. Carl.
“Sa cinema, kailangan ang creativity ninyo lumabas, just producing the film. Kailangang lumabas na maipakita ninyo na meron kang kayang gawin beyond producing or creating the film.
“If you’re in the province and there’s a mango tree behind you… What prevents you from doing the micro screening under the mango tree with people coming?
"Create a good projector and a good sound. Hindi naman kailangan ng LED 'yan, e, mga ganung bagay.
“We have to be entrepreneurial beyond the creativity of just creating the film. Ito ang halimbawa ng puwede kong gawin sa entrepreneurial revolution.
“What if you have a small space to accommodate a hundred people to watch the film? And you have three showings a day, and six days in a week. And that place is converted into like a micro-cinema.
“Maybe we’re not talking sa SM. Maybe you’re talking of your own little theater. Because a small one is a new big,” dagdag niyang pahayag.
JERRY OLEA
Sabi pa ni Dr. Carl: “Hindi po dapat ikahiya yun na ang pelikula mo, ipinalabas sa micro-cinema.
“Yung binanggit kong brand kanina. Si Max’s, anong ginawa ni Max’s? Pansinin ninyo. Di ba, biniyak-biyak niya yung brand?
“Merong Pancake House sa kabilang side, may Krispy Kreme sa kabila. 'Tapos, may Max’s sa kabilang side, may Dencio’s sa kabilang side.
“Isang Max’s, dinivide niya into four. Lumiit ngayon ang Max’s, pero ang kita niya, mas malaki.
“Micro-cinema po is the solution. There should be more micro-cinemas. Why? You will feel safer. And it will be easier to film and create a transition. Maybe this is the age of micro-cinema.”
NOEL FERRER
Sina-suggest din ni Dr. Carl na subukang gumawa ng educational films, dahil hindi raw natin kayang makipagsabayan sa mga Korean at iba pang bansa na kinikilala na ang pelikula nila sa buong mundo.
“It’s about time that the industry will have to reinvent itself. And by the way, ako, nakikita ko ang potential ng movie industry ng Philippines is on the educational side,” saad ni Dr. Carl.
“Magaling ang Pilipino sa English, sa language. Pangalawa, ang buong mundo, naghahanap ng educational materials now.
“If we can come up with some educational films, you’ll be surprised, baka tayo ang magiging Bollywood ng Philippines.
“If the Koreans are known for this, or Chinese are known for that, and the Indians are known for Bollywood, maybe the Philippines should be known for something else.
“Ecological film? Educational film? I don’t know. But we have to reinvent ourselves.
"We cannot have second-rate Bollywood or second-rate Korean, or a second-rate Japanese horror or a second-rate-trying-American film in action, and etcetera in Hollywood. Maybe we have to find a niche. Yun ang galing ng entrepreneur.”
But aside from business, hindi kaya magandang kontribusyon kung gusto talagang maging educational at magagamit sa schools ay ang totoong HISTORY based on facts at hindi fake news o campaign propoganda at trolls?